С.- Петербург щыуджыщтых
Республикэм искусствэхэмкIэ икIэлэцIыкIу еджапIэхэм якъэшъокIо купхэм яя VIII-рэ зэнэкъокъоу Мыекъуапэ щыкIуагъэм нахь IэпэIасэхэр къыщыхагъэщыгъэх.
Мыекъуапэ искусствэхэмкIэ икIэлэцIыкIу еджапIэу N 6-м иансамблэу «Реверансым» апэрэ чIыпIэр фагъэшъошагъ. Мария Абленцевам кIэлэеджакIохэр егъасэх.
— Лъэпкъ къашъохэр, классикэм хэхьагъэхэр кIэлэеджакIохэм къашIых, — къытиIуагъ искусствэхэмкIэ Мыекъуапэ иеджапIэу N 6-м ипащэу Дмитрий Гордиенкэм. – Илъэс къэс тиеджакIохэм хагъэунэфыкIырэ чIыпIэхэр республикэм къыщыдахых.
Урысыем искусствэхэмкIэ икIэлэцIыкIу еджапIэхэм яфестивалэу Санкт-Петербург щыкIощтым хэлэжьэнхэу я 6-рэ кIэлэцIыкIу еджапIэм зыщызыгъасэхэрэр тыгъуасэ гъогу техьагъэх.