Урысыем икIэлэеджакIохэм я Спартакиадэ хэхьэрэ зэIукIэгъухэр Адыгэ Республикэм щэкIох. СамбэмкIэ зэхащэгъэ зэнэкъокъум 2003 – 2004-рэ илъэсхэм къэхъугъэхэр хэлэжьагъэх.

БэнэкIо 60-м нахьыбэ алырэгъум щызэIукIагъ. Яонтэгъугъэхэм ялъытыгъэу апэрэ чIыпIэхэр къыдэзыхыгъэхэр нэбгыри 10 мэхъух. Кобл Рэмэзан, кг 42-рэ, Гъомлэшк Анзор, кг 46-рэ, Батмэн Амир, кг 50, Тыгъужъ ТIа­хьир, кг 55-рэ, Хьакъуй Анзор, кг 60, Хьакъуй Амир, кг 66-рэ, Янэкъо Ислъам, кг 72-рэ, ТIэшъу СултIан, кг 78-рэ, Нэхэе Долэт, кг 84-рэ, Къэлэкъутэкъо Азэмат, кг 84-м къехъу.

Тренерхэу Р. Джарымэкъор, А. Гъомлэшкыр, Д. Хьакурынэр, Б. Шъэумэныр, С. Мэрэтыкъор, А. НэIэтыжьыр, Н. Джарымэкъор бэнакIохэм япащэх.

ЯтIонэрэ чIыпIэхэр къыдэзыхыгъэхэм ащыщых А. Мэлгощыр, Р. СтIашъур, М. Анцокъор, Р. Къумыкъур, Т. Бэгъыр, А. ДыдыкIыр, Д. Старченкэр, В. Горублиныр, нэмыкIхэри.

Спартакиадэм ия 2-рэ едзыгъо жъоныгъуакIэм и 21 – 24-м Ермэлхьаблэ щыкIощт.