«Краснодар-3» Краснодар – «Зэкъошныгъ» Мыекъуапэ – 3:1. Мэлылъфэгъум и 21-м Краснодар щызэдешIагъэх. Къэлапчъэм Iэгуаор дэзыдзагъэхэр: Назаров – 7, Гъуб­жьэкъу – 17, Бутенко – 21, «Краснодар-3». Къонэ – 23 (пенальтикIэ), «Зэкъошныгъ».

— Нахь ныбжьыкIаIохэр зэ­IукIэгъум хэдгъэлэжьагъэх, яIэпэIэсэныгъэ хагъэхъонымкIэ сэнаущыгъэу ахэлъыр зэдгъашIэ тшIоигъоу такIырыплъыгъ. Зэнэ-­къо­къур тыублэгъэ къодыеу «Краснодар-3-м» тикъэлапчъэ гъогогъуи 3 Iэгуаор къызыдедзэм, тиешIакIэ зэхъокIыныгъэхэр фэтшIыгъэх. Ухъумэн Iофыгъохэр нахьышIоу дгъэцакIэхэзэ тапэкIэ тилъэу тыфежьагъ. ЗэIукIэгъур ушэтыпIэшIу тиешIакIохэм афэ­хъугъ, — къытиIуагъ «Зэкъошныгъэм» итренер шъхьаIэу Ешыгоо Сэфэрбый.

Шъуащытэгъэгъуазэ

Я 24-рэ зэIукIэгъухэм якIэуххэм шъуащытэгъэгъуазэ. «Академия» — «Мэщыкъу» — 0:3 (ешIагъэхэп), «Волгарь» — «Биолог» — 3:0, «Легион» — «Спартак» Вл – 0:0, «Спартак» Нч – «Ангушт» — 2:1, «Черноморец» — СКА – 1:0, «Урожай» — «Чайка» — 1:1.

Я 25-рэ ешIэгъухэр

27.04 «Ангушт» — «Черноморец» «Биолог» — «Спартак» Нч «Динамо» — «Краснодар-3» «Зэкъошныгъ» — «Урожай» СКА – «Легион» «Чайка» — «Волгарь»

ШъунаIэ тешъудз: «Зэкъошныгъэр» мэлылъфэгъум и 30-м «Мэщыкъу» Пятигорск Мыекъуапэ щыIукIэщт.

«Зэкъошныгъэр» мэлылъфэ­гъум и 27-м «Урожаим» тикъалэ щыдешIэщт, зэIукIэгъур сыхьатыр 16-м аублэщт.