Хэгъэгум футболымкIэ изэнэкъокъу хэлажьэхэрэ командэхэу я 2-рэ купым хэтхэр мэлылъфэгъум и 15 — 17-м зэрешIагъэхэр зэфэтэхьысыжьых. ЕшIэгъухэр «Черноморец» — «Спартак» Нч — 0:0, «Ангушт» — «Волгарь» — 0:3, «Биолог» — «Урожай» — 1:3, «Мэщыкъу» — «Легион» — 1:0, СКА — «Спартак» Вл — 0:4, «Чайка» — «Краснодар-3» — 5:0. Мыекъопэ «Зэкъошныгъэм» зэIукIэгъу иIагъэп. ЧIыпIэхэр 1. «Чайка» — 53 2. «Урожай» — 53 3. «Волгарь» — 46 4. «Зэкъошныгъ» — 36 5. «Черноморец» — 34 6. «Биолог» — 34 7. «Легион» — 30 8. «Спартак» Нч — 28 9. «Спартак» Вл — 24 10. «Мэщыкъу» — 22 11. «Краснодар-3» — 21 12. «Динамо» С — 18 13. СКА — 18 14. «Ангушт» — 14 15. «Академия» — 9. ШъунаIэ тешъудз: «Акаде­миер» зэнэкъокъум хэкIыжьыгъ. Я 24-рэ зэIукIэгъухэр 21.04 «Урожай» — «Чайка» «Волгарь» — «Биолог» «Краснодар-3» — «Зэкъошныгъ» «Легион» — «Спартак» Вл «Спартак» Нч — «Ангушт» «Черноморец» — СКА. Апэ ит командэу «Чайкэм» зэIукIэгъу 21-рэ иIагъ, зы ешIэгъуи шIуахьыгъэп. «Урожай» Краснодар ащ ебгъапшэмэ, ащи шIуахьыгъэп. Командэхэм очко пчъагъэу яIэр зэфэдиз — 53-рэ. Тхьаумафэм «Урожаир» «Чайкэм» дешIэщт. ТекIоныгъэр къыдэзыхырэр апэрэ чIыпIэм фэ­бэнэнымкIэ иамалхэм къахэхъощт. «Зэкъошныгъэр» мэлылъфэ­гъум и 27-м «Урожаим», и 30-м «Мэщыкъом» тикъалэ ащыIукIэщт. ЕМТIЫЛЪ Нурбый.