Мыекъопэ гандбол клубэу «Адыифыр» Суперлигэм хэтэу Урысыем изэнэкъокъу хэлажьэ. Зичэзыу зэIукIэгъухэр къалэу Уфа щыкIуагъэх.

«Луч» Москва, «Уфа-Алиса» Уфа, «АГУ-Адыиф» Мыекъуапэ я 9 — 10-рэ чIыпIэхэм афэбанэх. «Адыифым» иешIэгъухэм шъуащытэгъэгъуазэ.«Уфа-Алиса» — «АГУ-Адыиф» — 28:23. Къэлапчъэм Iэгуаор анахьыбэрэ дэзыдзагъэхэр: Дворцевая — 5, Зубова — 5, Кириллова — 4. «АГУ-Адыиф» — «Луч» — 33:21. ТиешIакIохэм къахэщыгъэхэр: Дворцевая — 9, Краснокутская — 4, Неупокоева — 3. ЯтIонэрэ къекIокIыгъом хэхьэрэ ешIэгъухэр мэлылъфэгъум и 26 — 28-м Мыекъуапэ щыкIощтых.

— «АГУ-Адыифым» иешIэкIо анахь дэгъухэм ащыщэу Ксения Дьяченкэр зэIукIэгъухэм ахэлэжьагъэп, ипсауныгъэ зыпкъ регъэуцожьы, — къытиIуагъ тренер шъхьаIэу Александр Реввэ. — Ящэнэрэ къекIокIыгъор жъоныгъуакIэм и 10 — 12-м Москва щыкIощт. Илъэс ешIэгъур «Адыифым» ыухыщт. Ар я 10-рэ чIыпIэм щыI.