Хэгъэгум футболымкIэ иапшъэрэ куп хэт командэхэу зэнэкъокъум хэлажьэхэрэм я 21-рэ ешIэгъухэр гъэтхапэм и 29 – 31-м яIагъэх. ЗэIукIэгъухэм якIэуххэм шъузэпяплъ.

Зэтэгъапшэх

«Крылья Советов» — «Арсенал» — 0:1, «Енисей» — «Рубин» — 1:1, «Динамо» — «Локомотив» — 0:1, «Ахмат» — «Спартак» — 1:3, «Ростов» — «Урал» — 2:1, «Зенит» — «Оренбург» — 3:1, ЦСКА – «Уфа» — 2:2, «Краснодар» — «Анжи» — 5:0.

ЦСКА-р «Уфам» 2:0-у текIозэ, я 87-рэ такъикъым ыкIи зэIу­кIэгъум иаужырэ такъикъ гъо­го­гъуитIо икъэлапчъэ Iэгуаор къы­дадзи, 2:2-у зэнэкъокъур аухыгъ. «Краснодар» 5:0-у «Анжи» текIуагъ, Магомед Сулеймановым гъогогъуитIо «Ан­жи» икъэлапчъэ Iэгуаор дидзагъ.

Медальхэм афэбанэхэрэ командэхэр нахь къахэщыгъэх, зэнэкъокъур ащ нахь гъэшIэгъон къешIы.

Командэхэр зыдэщытхэ чIыпIэхэр

1. «Зенит» — 44 2. «Локомотив» — 38 3. «Краснодар» — 38 4. ЦСКА – 37 5. «Спартак» — 36 6. «Ростов» — 32 7. «Арсенал» — 30 8. «Рубин» — 29 9. «Ахмат» — 27 10. «Оренбург» — 26 11. «Крылья Советов» — 24 12. «Динамо» — 23 13. «Урал» — 23 14. «Анжи» — 18 15. «Уфа» — 17 16. «Енисей» — 12. Ауж къинэхэрэ командэхэм яIофхэр къызэрыкIохэп. Апшъэрэ купым къыхэзыщтхэр, «Енисеим» нэмыкIхэр, къэшIэгъуаех.

Я 22-рэ зэIукIэгъухэр

6.04, шэмбэт «Анжи» — «Динамо» «Краснодар» — «Кр.Советов» «Спартак» — ЦСКА 07.04, тхьаумаф «Уфа» — «Ростов» «Урал» — «Енисей» «Рубин» — «Арсенал» «Локомотив» — «Зенит» 08.04, блыпэ «Оренбург» — «Ахмат».

Апэ итхэ командэхэр зэIукIэщтых, ащ къыхэкIэу зыгорэхэм чIэнагъэхэр ашIыщтых, медальхэр зыхьынхэ зылъэкIыщтхэр нахь макIэ хъущтых.