Гъэтхапэм и 25-р – культурэм иIофышIэ и Маф
Адыгэ Республикэм культурэмкIэ иIофышIэхэу лъытэныгъэ зыфэтшIыхэрэр!
Ныбджэгъу лъапIэхэр!
Музейхэм ыкIи тхылъеджапIэхэм, культурэм иунэхэм ыкIи концерт организациехэм Iоф ащызышIэхэрэм, музыкальнэ ыкIи къэшъокIо коллективхэм, театрэхэм яартистхэм, скульпторхэм ыкIи сурэтышIхэм обществэм ищыIэныгъэкIэ мэхьанэшхо яIэу щыт.
ЗиIоф гуетыныгъэшхо фызиIэ творческэ цIыфхэм тиреспубликэ щыпсэухэрэр дэхагъэм хэщэгъэнхэмкIэ, дунаим тет цIыф лъэпкъ зэфэшъхьафхэм яшэн-хабзэхэр нахь дэгъоу ашIэнхэмкIэ, ныбжьыкIэхэр шэпхъэ дахэхэм атетэу пIугъэнхэмкIэ, тятэжъхэм якIэн бай къэухъумэгъэнымкIэ мафэ къэс Iофышхо зэшIуахы.
Адыгеим культурэмкIэ иIофышIэхэм опытышхоу аIэкIэлъ хъугъэр къызфагъэфедэзэ, тиреспубликэ ибаиныгъэ шъхьаIэ къэухъумэгъэнымкIэ, тиныбжьыкIэхэр культурэм нахь игъэкIотыгъэу хэщэгъэнхэмкIэ афэлъэкIыщтыр зэкIэ зэрашIэщтым тицыхьэ телъ.
Ныбджэгъу лъапIэхэр! Шъуисэнэхьат епхыгъэ мафэм тышъуфэлъаIо псауныгъэ пытэ, щыIэкIэшIу шъуиIэнэу, шъуитворчествэкIэ гъэхъэгъакIэхэр шъушIынхэу, шъуигухэлъышIухэр зэкIэ къыжъудэхъунхэу!
Адыгэ Республикэм и ЛIышъхьэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожный