Санкт-Петербург икомпаниеу «СевЗапУголь» зыфиIорэр пхъэм къыхэкIырэ шIомыкIым ишIын анахьэу зыпылъыр. Ащ икъутамэ джырэблагъэ Адыгейми къыщызэIуахыгъ.Инвесторым Iоф зыщишIэщт чIыпIэм игъэпсын блэкIыгъэ илъэсым игъэмэфэ уахътэ къыщыуб­лагъэу Iоф дишIагъ. ЗэкIэмкIи квадратнэ метрэ 250-рэ ыгъэкIэжьыгъ, къашIырэмрэ зыхашIыкIырэмрэ зэращэчыщтхэ, шIомыкIыр зэрэзэкIоцIащыхьащт оборудование агъэуцугъ.

Мыекъопэ район администрацием къызэрэщаIуагъэмкIэ, илъэсым къыкIоцI тонн мини 10-м къыщымыкIэу къатIупщыным ахэр тегъэпсыхьагъэх. Пхъэр зыгъэфедэхэрэ хъызмэтшIапIэхэм Iоф адашIэнэу къырагъэблагъэх.