Урысыем волейболымкIэ изэнэкъокъу хэлажьэхэрэ хъулъфыгъэ командэхэу апшъэрэ купэу «Б-м» хэтхэм пэшIорыгъэшъ зэIукIэгъухэр шIэхэу аухыщтых.

Мыекъопэ «Динамо-МГТУ-р» финалым хэхьагъ, хагъэунэфыкIхэрэ чIыпIэхэм афэбэнэщтхэм ащыщ.

— КIэух ешIэгъухэр къекIокIыгъуитIо кIощтых, — къытиIуагъ «Динамо-МГТУ-м» итренер шъхьа­Iэу, Адыгэ Республикэм изаслуженнэ тренерэу Павел Зборовскэм. — Къалэхэу Вла­димир, Мыекъуапэ, Воронеж, Ижевскэ, Магнитогорскэ, Къыблэ Сахалин, якомандэхэр зэдешIэщтых. Апэрэ къекIокIыгъор гъэтхэпэ мазэм Владимир щызэхащэщт. ЯтIонэрэ къекIокIыгъор мэлылъфэгъу мазэм Ижевскэ щыкIощт.

БлэкIыгъэ илъэсым ебгъап­шэмэ, «Динамо-МГТУ-р» мыгъэ нахь дэгъоу ешIэ, ныбжьыкIэхэм яIэпэIэсэныгъэ хагъахъо.

ЕМТIЫЛЪ Нурбый.