Урысыем футболымкIэ изэнэкъокъу хэлэжьэрэ командэхэу апшъэрэ купым хэтхэм зыгъэпсэфыгъо уахътэр аухыгъ. Гъэтхапэм и 1 – 3-м я 18-рэ ешIэгъухэр яIагъэх.

ЗэIукIэгъухэр «Оренбург» — «Анжи» — 0:1, «Урал» — «Зенит» — 0:1, «Арсе­нал» — ЦСКА — 2:0, «Локомотив» — «Крылья Советов» — 2:2, «Рубин» — «Ахмат» — 1:0, «Уфа» — «Динамо» — 1:2, «Енисей» — «Ростов» — 1:1, «Спартак» — «Краснодар» — 1:1.

«Спартак» — «Краснодар» — ар ешIэгъу шъхьаIэхэм ахэтэ­лъытэ. Тигъунэгъу краим икомандэ текIоныгъэм нахь пэблэгъагъ. ЗэIукIэгъур аухынкIэ зы такъикъ къэнагъэу «Краснодар» иешIакIохэм ащыщ къэлэпчъэпкъым Iэгуаор тыригъэфагъ. «Зенит» дышъэм фэбанэ, хэта ащ ыпэ ишъын зылъэкIыщтыр? «Краснодар», ЦСКА, «Спартак», «Локомотив» — зыцIэ къетIогъэ командэхэм хагъэунэфыкIырэ чIыпIэхэр къыдахын ямурад.

— «Краснодар» дышъэм фэбанэ, — къыIуагъ тренер шъхьа­Iэу Мурад Мусаевым. Зэнэкъокъур гъэшIэгъонэу лъэкIуатэ. «Краснодар» изэIукIэгъухэм тиреспубликэ щыщ нэбгырабэ яплъы – ари тигуапэу къыхэтэгъэщы.

ЧIыпIэхэр

1. «Зенит» — 37 2. «Краснодар» — 34 3. ЦСКА – 30 4. «Спартак» — 29 5. «Локомотив» — 29 6. «Рубин» — 28 7. «Ростов» — 25 8. «Ахмат» — 23 9. «Арсенал» — 23 10. «Динамо» — 23 11. «Урал» — 22 12. «Оренбург» — 22 13. «Крылья Советов» — 18 14. «Анжи» — 18 15. «Уфа» — 16 16. «Енисей» — 11.

Я 19-рэ ешIэгъухэр

09.03. «Крылья Советов» — «Енисей» ЦСКА – «Рубин» 10.03. «Ростов» — «Арсенал» «Зенит» — «Уфа» «Динамо» — «Спартак» «Анжи» — «Локомотив» 11.03. «Ахмат» — «Урал» «Краснодар» — «Оренбург».

Европэм и Кубок икъыдэхын хэлэжьэрэ командэхэм зичэзыу ешIэгъухэр гъэтхапэм и 7-м яIэщтых.