Псауныгъэр гъэпытэгъэным, цIыфхэм языгъэпсэфыгъо уахътэ нахь гъэшIэгъонэу агъэкIоным афэгъэхьыгъэу Мыекъуапэ волейболымкIэ щыкIорэ зэнэкъокъум хъулъфыгъэхэр, бзылъфыгъэхэр хэлажьэх.

— Финалныкъом нэсыгъэхэу хагъэунэфыкIырэ чIыпIэхэр зы­хьыщтхэр зэнэкъокъум къыщынэфагъэх, — къеIуатэ Мыекъуапэ иадминистрацие физкультурэмкIэ ыкIи спортымкIэ и Комитет ипащэу Дмитрий Щербаневым. — ТекIоныгъэр къыдэзыхыщтыр къэшIэгъуае.

Хъулъфыгъэхэм язэIукIэгъу къыщыхэтэгъэщы «АГУ-Мары» 3:1-у «Мыекъуапэм» зэрэтекIуагъэр. Зэнэкъокъум нэбгырабэ еплъыгъ, тIысыпIэ нэкI залым иIэжьыгъэп.

ЧIыпIэхэр

1. «АГУ-Мары» — 17 2. ВДПО — 14 3. «Мыекъуапэ» — 13 4. «СШОР-1» — 10 5. «Апшеронск» — 7 6. «АГУ-Мыекъуапэ» — 2 7. «Тигры Фишта» — 2.

Бзылъфыгъэхэм язэнэкъокъу

1. МГТУ — 14 2. «СШОР-1» — 13 3. ПФР — 12 4. АГУ — 9 5. «Олимп» — 3 6. «Мыекъуапэ» — 3 7. «Олимп-2»

Шэмбэтым финалныкъом щызэIукIэщтых. Сурэтым итхэр: «АГУ-Мары» «Мыекъуапэм» дешIэ.