Мыекъуапэ футболымкIэ икIымэфэ зэнэкъокъу хэлэжьэрэ командэхэу ятIонэрэ купым хэт­хэм я 10-рэ ыкIи я 11-рэ зэIукIэгъухэр яIа­гъэх. Апэ­рэ чIыпIэхэм афэбанэхэрэр нахь къа­хэ­щыгъэх.

«Фыщтым» зэкIэми анахьыбэрэ къэлапчъэм Iэгуаор ди­дзагъ — 58-рэ, икъэлапчъэ дигъэкIыгъэр анахь макI — 17. «Спортмастерым» къэлапчъэм Iэгуаор гъогогъу 50 дидзагъ, къышIуда­дза­гъэр — 18. «Ошъутенэр» ящэ­нэрэ чIыпIэм щыI. ЗыцIэ къетIогъэ командэхэр хагъэунэфыкIырэ чIыпIэхэм апэблагъэх. «Фыщтымрэ» «Спортмастерым­рэ» зы зэIукIэгъуи ашIуахьыгъэп, пчъагъэр зэфэдэу зырызэ ешIагъэх.

ЧIыпIэхэр

1. «Фыщт» — 28 2. «Спортмастер» — 28 3. «Ошъутен» — 25 4. МФОК «Ошъутен» — 21 5. «Кавказ» — 19 6. «Делотехника» — 16 7. «Факел» — 15 8. «Абрекхэр» — 14 9. ФК «Самбырныгъ» — 12 10. «Спортмастер-2» — 11 11. «МГГТК-Колледж» — 11 12. «Волховец» — 10 13. «Инфора» — 9 14. «СШОР-2003» — 9 15. АГУ — 8 16. «Джаджэ» — 6 17. «Герта» — 5.

Ящэнэрэ купыр

1. «Тульский» — 27 2. «Шаумян» — 27 3. ЦФК — 19 4. АТП — 15 5. «Мартин» — 14 6. «Арсенал» — 13 7. «Фортуна» — 12 8. «Сокол» — 12 9. «Эльбрус» — 10 10. «Арсенал-227» — 6 11. «Импульс» — 4.

Ветеранхэм язэнэкъокъу

Илъэс 40-м зыныбжь къехъугъэхэм язэIукIэгъухэм команди 10 ахэлажьэ. ЧIыпIэу зыдэщытхэр, очко пчъагъэу яIэр зэтэ­гъапшэх.

Шъузэпяплъ:

1. ВНГ — 26 2. «Щагъдый» — 24 3. «Дорожник» — 20 4. «Звезда» — 16 5. «Элит-т» — 15 6. «Джокер» — 13 7. «Фыщт» — 8 8. «Мотодром» — 5 9. «Ротор» — 4 10. «Инфера» — 2.

ЯтIонэрэ купым хэт командэ­хэр ыкIи ветеранхэр Адыгэ рес­публикэ стадионэу «Юностым» щызэдешIэх. Я 3-рэ купым икомандэхэр псэупIэу Тульскэм щызэнэкъокъух.

Мыекъуапэ иадминистрацие физкультурэмкIэ ыкIи спортымкIэ и Комитет итхьаматэу Дмит­рий Щербаневым зэрилъытэ­рэмкIэ, футболымкIэ зэIукIэгъу­хэм ямэхьанэ зыкъеIэты. Спорт псэолъэ дэгъухэр республикэм щагъэпсыгъэх, ащ ишIуагъэкIэ зэнэкъокъухэр гъэшIэгъонэу зэхащэнхэ алъэкIы.

Зыныбжь илъэс 40-м къехъугъэхэм, студентхэм, IофшIапIэхэм ащылажьэхэрэм япсауныгъэ зэрагъэпытэрэм дакIоу, языгъэ­псэфыгъо уахътэ гъэшIэгъонэу агъакIо.