ВолейболымкIэ Урысыем ичемпионат иапшъэ­рэ лигэ хэт командэхэм я 8-рэ турым къыдыхэ­лъытэгъэ зэIукIэгъухэр яIагъэх. Мыекъуапэ къэзыгъэлъэгъорэ «Динамо-МГТУ-р» Воронеж щешIагъ.

Павел Зборовскэр зипэщэ командэр зэнэкъокъум апэрэ чIыпIищыр щызыIыгъхэ «Энерогостроим» (Москва), «ИжГТУ-­Динамэм» (Ижевск), «Волжанин-2-м» (Кострома) аIукIагъ. ЗэкIэ ешIэгъухэр 3:0-у тикомандэ шIуа­хьыгъэх.
Джырэ уахътэм «Динамо-МГТУ-р» я 6-рэ чIыпIэм щыт, «Энергостроим» пэрытныгъэр ыIыгъ. КъыкIэлъыкIощт турым тикомандэ Ставрополь щешIэщт. Мэзаем и 7-м щегъэжьагъэу и 9-м нэс «Апсны», «Грознэм», «Колосым» аде­шIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Энергострой» — 59.
2. «ИжГТУ-Динамо» — 51.
3. «Волжанин-2» — 45.
4. «Колос» — 45.
5. «Кристалл-Черкизово» — 34.
6. «Динамо-МГТУ» — 28.
7. «Ростов-Волей» — 13.
8. «Апсны» — 4.
9. «Грозный» — 4.