ГандболымкIэ къэралыгъом иныбжьыкIэ пер­венствэ хэлэжьэрэ «АГУ-Адыиф-2-м» Мыекъуа­пэ зэIукIэгъуитIу щыриIагъ.

Республикэм икъэлэ шъхьаIэ ихьэкIагъ командэу «Динамо-Синара-2-р» зыфиIорэр.
Апэрэ ешIэгъур аухынкIэ такъикъитIум ехъу къэнагъэу тикомандэ пчъагъэр зэфэдиз ышIын ылъэкIыгъ, текIоныгъэми пэблэгъагъ. Ау 27:27-у ар аухыгъ.
ЯтIонэрэ зэIукIэгъури ащ фэдагъ. Ау мызыгъэгум ешIэгъур аухынкIэ такъикъи 10 къэнагъэу бысымхэр 24:21-у ыпэ итыгъэх, ау Волгоград игандболисткэхэм пчъагъэр зэфэдиз ашIын афызэшIокIыгъ, 26:26-у ар аухыгъ. Мыекъуапэ испортсменкэу Елизавета Зарецкаям къэлапчъэм Iэгоо 13 дидзагъ.
Турнир таблицэм пэрытныгъэр щиIыгъ «ЦСКА-2-м», республикэм икомандэ я 8-рэ чIыпIэр еубыты. Мэзаем ыкIэм тигандболисткэхэр Москва кIощтых, чIыпIэ командэу «Луч-2-м» тIогъогогъо дешIэщтых.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «ЦСКА-2» — 55.
2. «СК КК Черноморочка-2» — 45.
3. «Кубань-2» — 40.
4. «Астраханочка-СШОР» — 39.
5. «Лада-СШОР» — 38.
6. «Динамо-Синара-2» — 36.
7. «Луч-2» — 20.
8. «АГУ-Адыиф-2» — 20.
9. «Ростов-Дон-3» — 18.
10. «Звезда-2» — 17.
11. «СШОР N 5 — Университет-2» — 7.
12. «СШ N 13 Алиса» — 1.