Щэбзэ щэрыонымкIэ дунэе мэхьанэ зиIэ зэнэкъокъухэр къалэу Орел щыкIуагъэх.
Урысыем, США-м, Белоруссием, Казахстан, Китаим ыкIи Азербайджан яспортсмен анахь лъэшхэр мыщ хэлэжьагъэх, зэкIэмкIи нэбгырэ 500-м ехъу.

Адыгэ Республикэр къэзыгъэлъэгъуагъэхэр олимпийскэ резервым испорт еджапIэу В.С. Максимовым ыцIэ зыхьырэм зыщызыгъасэхэрэр ары. Иван Лемешевым, Нил Денисовым ыкIи Мыгу Батырбый зэнэкъокъум икIэух едзыгъо зыщаушэтыгъ, тыжьын медальхэр къахьыгъэх. Иркутскэ хэкум текIоныгъэр къыдихыгъ, Республикэу Бурятием ящэнэрэ чIыпIэр фагъэшъошагъ.
Бзылъфыгъэ командэхэм язэнэкъокъу Адыгеим яхэнэрэ чIыпIэр щиубытыгъ. Тишъолъыр къагъэлъэгъуагъ Светлана Баранцевам, Алиса Кожевниковам ыкIи Софья Фирсановам. Тиспортсменхэм ятренер спортымкIэ мастерэу Александр Баламутовыр.