Мыекъуапэ икIэлэегъэджэ пэрытхэм ащыщ класснэ пащэхэм я Форум илIыкIо хъугъэ. АР-м гъэсэныгъэмрэ шIэныгъэмрэкIэ и Министерствэ къызэритырэмкIэ, 2026-рэ илъэсым Урысыем ишъолъыр 85-мэ ыкIи Таджикистан ялIыкIо 87-рэ агъэнэфагъ.

АдыгеимкIэ мы цIэ лъапIэр фагъэшъошагъ Мыекъопэ гурыт еджапIэу N 7-м урысыбзэмкIэ ыкIи литературэмкIэ икIэлэ­егъаджэу Светлана Великовам.
Светланэ Сергей ыпхъум къызэриIуагъэмкIэ, 2023-рэ илъэ­сым апэрэу форумым нэ­Iуасэ фэхъугъагъ, шъолъыр къы­хэхыным пхырыкIи, ащ ­хэлэжьэгъагъ. Мы илъэсым республикэр къыгъэлъэгъонэу амал иIэ зэрэхъугъэм ар рэгушхо.
Класснэ пащэхэм ялIыкIо хъухэрэм пшъэрылъ гъэнэфа­гъэхэр яIэх. Анахьэу шъолъырым хэхъоныгъэхэр ышIынхэм, Iофтхьабзэхэр зэхащэнхэм, кIэ­­­лэегъаджэхэм къэбарлъыг­ъэ­Iэсыным ылъэныкъокIэ Iэпы­Iэгъу афэхъунхэм ыуж итых.