ФутболымкIэ Адыгэ Республикэм икIымэфэ чемпионат къыдыхэлъытагъэу ащ хэлэжьэрэ коман­дэхэм зичэзыу ешIэгъухэр яIагъ. ЯтIонэрэ лигэм щешIэхэрэм ятIонэрэ къекIокIыгъор рагъэжьагъ.

Я 8-рэ турыр къызэIуахыгъ «МФОК-у Ошъутенэмрэ» Апшеронскэ къэзыгъэлъэгъорэ «Легио­нымрэ». Мыекъуапэ икомандэ 2:1-у текIоныгъэр къыдихыгъ. Мыщ щешIэрэ Къонэ Амир зэ­нэ­къокъур заублагъэм къыщегъэ­жьа­гъэу къэлапчъэм Iэгоуи 8 ди­дзагъ, а къэгъэлъэгъонымкIэ пэрытныгъэр ыIыгъ. «Кавказ Адэ­мыер» 2:1-у «Картонтара Юность» зыфиIорэм текIуагъ. Турым иаужы­рэ ешIэгъу щызэIукIагъэх «АГУ-мрэ» «Насыпымрэ», апэрэхэр нахь лъэшыгъэх, пчъагъэр — 1:0. «Насыпым» пчъагъэр зэфэдиз ышIын амал иIагъ, ащ ифутбо-
лист пенальти ыгъэцэкIагъ, ау къэлапчъэм блэугъ.
Я 9-рэ турым зэдешIэщтых: «АГУ» — «Легион», «Урожай» — «МФОК-у Ошъутен», «Кав-
каз Адэмый» — «Насып». Мы
спорт лъэпкъыр зыгу рихьыхэрэм
ашIогъэшIэгъоныщт «Урожаимрэ» «МФОК-у Ошъутенэмрэ» язэIу­кIэгъу.
Турнир таблицэм пэрытныгъэр щиIыгъ «АГУ-м», ау адрэ командэхэм ягъэпшагъэмэ, ащ ешIэ­гъоу иIагъэр зыкIэ нахьыб. «Кавказ Адэмыем» ятIонэрэ чIыпIэр еубы­ты, «МФОК-у Ошъутенэр» ящэнэр. «Урожаир» ахэм къакIэлъэкIо,
ащ зэIукIэгъоу иIагъэр нахь макI.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «АГУ» — 14.
2. «Кавказ Адэмый» — 13.
3. «МФОК-у Ошъутен» — 13.
4. «Урожай» — 12.
5. «Насып» — 4.
6. «Картонтара Юность» — 2.
7. «Легион» — 1.
   

Апэрэ лигэм хэт командэхэм ешIэгъуи 7 яIагъ. «СШ 09-мрэ» «Кристаллымрэ» язэIукIэгъу
0:0-у аухыгъ. «Космосыр» 3:0-у республикэ спорт еджапIэм иятIо­нэрэ командэ текIуагъ. Пэрытныгъэр зыIыгъ «Тульскэм» текIоныгъэр къыдихыгъ. Мыщ хэт Эльдар Ширяевым я 13-у къэлапчъэм Iэгуаор дидзагъ. «Спортмас­тер-2-р» «Альянсым» нахь лъэшыгъ, пчъагъэр — 8:0. «Ошъутенэм» щешIэрэ Щыкъэ Руслъан пенальтикIэ къэлапчъэм Iэгуаор ди-­
дзагъ, ащ ишIуагъэкIэ 1:0-у «Легионым» къышIуихьыгъ.
Я 9-рэ турым изэфэхьысыжьхэр:
«Космос» — «СШ 10» — 3:0, «Кристалл — СШ 09» — 0:0, «Ошъутен» — «Легион» — 1:0, «Оазис» — «Факел» — 0:1, «Тульскэр» — «Хьатыгъужъыкъуай» — 4:1, «Спортмастер-2» — «Альянс» — 8:0, «Спорт­мастер» — «Ансар» (ешIэгъур зэ­кIахьагъ).
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Тульскэр» — 21.
2. «Ошъутен» — 18.
3. «Спортмастер» — 18.
4. «Легион» — 16.
5. «Космос» — 16.
6. «СШ 09» — 15.
7. «Спортмастер-2» — 12.
8. «Ансар» — 9.
9. «Факел» — 9.
10. «СШ 10» — 9.
11. «Хьатыгъужъыкъуай» — 9.
12. «Канониры» — 8.
13. «Кристалл» — 5.
14. «Оазис» — 3.
15. «Альянс» — 0.
    Мы зыгъэпсэфыгъо мафэхэм апэрэ лигэм щешIэрэ командэхэм зичэзыу зэIукIэгъухэр яIэ­щтых: «СШ 10» — «Крис­талл», «Канониры» — «Космос» (щылэ мазэм и 31-м), «Факел» — «Ошъутен», «Хьатыгъужъыкъуай» — «Оазис», «Ансар» — «Спортмастер-2», «Альянс» — «Тульскэр», «СШ 09» — «Спортмастер» (мэзаем и 1-м).
    Ветеранхэм ялигэ хэтхэми яешIэ­гъухэр аублэжьыщтых. «Щагъ­дыир» «ВНГ-м», «Колизеир» — «Делотехникэм», «Альфа-Югыр» — «Джокерым» аIукIэщтых.