Урысые проектэу «Футбол цIыкIур — еджапIэм» зыфиIорэм къыдыхэлъытэгъэ республикэ едзыгъор къуаджэу Пэнэжьыкъуае щэкIо.

Футбол цIыкIумкIэ Ассоциацием УФ-м спортымкIэ и Минис­терствэ иIэпыIэгъоу Iофтхьабзэр рагъэкIокIы. Зэнэкъокъухэм ахэлажьэх еджапIэхэм ачIэс кIалэхэр ыкIи пшъашъэхэр зыхэхьэгъэ командэхэр.
ЛъэныкъуитIумкIэ пэрытныгъэр зыубытыгъэхэр къэнэфагъэх. 2014 — 2015-рэ илъэсхэм къэхъугъэ­хэм язэнэкъокъу щытекIуагъэх Красногвардейскэ районым икъуаджэу Улапэ ифутболистхэр. Финалым ахэр Мыекъопэ районым илIыкIохэм аIукIагъэх ыкIи 1:0-у текIоныгъэр къыдахыгъ. Теуцожь районым икомандэ ящэ­нэрэ чIыпIэр къыфагъэшъошагъ.

2012 — 2013-рэ илъэсхэм къэхъугъэхэм анахь щылъэ­шыгъ Джэдждэ районыр, Адыгэ­къалэ ятIонэрэ чIыпIэр къыди­хыгъ, Кощ­хьэблэ районыр ящэнэр.
2010 — 2011-рэ ыкIи 2008 — 2009-рэ илъэсхэм къэхъугъэхэм язэнэкъокъухэм щатекIуагъэхэр шIэхэу къэнэфэщтых. ТекIоны­гъэр къыдэзыхыгъэхэм зэнэкъокъум изичэзыу едзыгъо Адыгеир къыщагъэлъэгъощт.