Адыгеим икIэлэеджакIохэм ­мэкъумэщ гъэсэныгъэ арагъэ­гъо­тыным фэшI ащ тегъэпсы­хьэгъэ классхэр къызэIуахых.

Республикэм икIэлэеджакIохэм Мые­къопэ къэралыгъо технологическэ университетым яшIэныгъэхэм щыхагъахъо.
Мэкъу-мэщым ныбжьыкIэхэр нахь пэблагъэ хъунхэр, ащ епхыгъэ шIэныгъэхэр зэрагъэгъотынхэр, мы сэнэхьатым зыфагъэзэныр ыкIи Iоф рашIэжьыныр ары пшъэрылъ шъхьаIэу проектым иIэр. Мыщ ишIуагъэкIэ гурыт еджапIэхэм, колледжхэм, апшъэрэ еджапIэхэм ыкIи IофшIэпIэ чIыпIэ языгъэгъотыхэрэм зэзэгъыныгъэ зэдашIыгъэу зэдэлажьэх. Мэкъу-мэщым неущ Iоф щызышIэщт специалистхэр гъэхьазырыгъэнхэмкIэ ащ ишIуагъэ къэкIощт.
Мэкъумэщ классхэм ащеджэхэрэм амалыкIэхэр яIэх. Егъэджэным къы­дыхэлъытагъэу мастер-классхэр афызэхащэх ыкIи мэкъумэщ комплексым епхыгъэ предприятиехэм стажировкэ ащахьы. Ащ ишIуагъэкIэ яшIэныгъэхэм ахагъэхъорэ къодыеп, Iоф зыщашIэн алъэкIыщт предприятиехэм нахь апэ­благъэ мэхъух.
Непэ Адыгеим мэкъумэщ класс 15 къыщызэIуахыгъ. ЗэкIэмкIи кIэлэеджэкIо 209-мэ мэкъу-мэщым епхыгъэ шIэны­гъэхэр агъотыгъ. Класси 9-р федеральнэ проектэу «Кадры в АПК» зыфиIорэм хэхьагъэх, ащ нэмыкIэу Мые­къуапэ дэт гурыт еджэпIи 6-мэ мэ­къу-мэщым епхыгъэ шIэныгъэхэр игъэкIотыгъэу ащарагъашIэ.
АР-м гъэсэныгъэмрэ шIэныгъэмрэкIэ и Министерств.