Атлетикэ онтэгъумкIэ Адыгэ Республикэм ипервенствэ къуаджэу Кощхьаблэ щызэхащагъ. Мыщ илъэс 13 — 17 зыныбжь кIалэхэр ыкIи пшъашъэхэр хэлэжьагъэх.

Мыекъуапэ, Красногвардейскэ, Тэхъутэмыкъое, Шэу­джэн ыкIи Кощхьэблэ районхэм яспорт органи­зациехэм ялIыкIохэм зау­шэтыгъ.
Зэфэхьысыжьхэм къы­зэ­рагъэлъэгъуагъэмкIэ, бысым­хэм зы дышъэ медаль къа­хьыгъ, къахэщыгъэр ШэкIо Руслъан. ХагъэунэфыкIырэ чIыпIэхэр анахьыбэу зыфагъэшъошагъэхэр республикэм икъэлэ шъхьаIэ испортсменхэр ары. ТекIоныгъэр къыдахыгъ Даниил Шармаковым, Виктор Нетребиным ыкIи Арина Бульбас. Джащ фэдэу Мыекъуапэ къэзыгъэлъэ­гъуа­гъэхэм ятIонэрэ чIыпIи 4, ящэнэрэу 3 аубытыгъ. Тэхъу­тэмыкъое районым иба­тыр­хэм хагъэунэфыкIырэ чIыпIи 5 къафагъэшъошагъ, ау мыхэм дышъэ медалищ яI. Пэрытныгъэр аубытыгъ Анд­рей Кармановым, Милана Смаиловам ыкIи Сабрина Полвоновам. Къэгъэлъэгъон анахь дэгъу зиIэр Красно­гвардейскэ районыр ары. Мыщ илIыкIохэм текIоныгъи 4 къыдахыгъ, нэбгырищмэ ятIонэрэ чIыпIэр аубытыгъ. Дышъэ медальхэр къахьы­гъэх Къыздырмыш Айдэмыр, Цэй Асхьад, Анастасия Шашуринам ыкIи Анастасия Популенкэм. Шэуджэн райо­ным испортсменхэм текIоны­гъитIурэ зы тыжьын медаль­рэ къыдахыгъ. Первенст­вэм пэрытныгъэр щаубы­тыгъ Ла­мыкъо Амиррэ ­Бырдж Айдэмыррэ.

Урысыем икIэлэеджа­кIо­хэм я Спартакиадэ хэлэ­жьэщтхэм якъыхэхынкIэ мы зэнэкъокъур апэрэ ­едзыгъоу щытыгъ.