МэфитIу къэнагъ
Проектэу «Каждому муниципалитету — умный маршрут здоровья» зыфиIорэм къыдыхэлъытагъэу лъэс зекIонымкIэ зэнэкъокъу рагъэкIокIы.
Щылэ мазэм и 16-м къыщегъэжьагъэу Урысыем ичIыпIэ зэфэшъхьафхэм якомандэ 317-мэ заушэты.
Адыгэ Республикэр къэзыгъэлъагъорэр мы зэнэкъокъум хагъэунэфыкIырэ чIыпIэхэр пчъагъэрэ къыщыдэзыхыгъэ «Мыекъуапэ 01-р» ары. Мызыгъэгум ащ нэбгырэ 20 хэт. Джырэ уахътэм тикомандэ я 5-рэ чIыпIэм щыт, ау гъэхъагъэ зэришIыщтым ицыхьэ телъ, сыда пIомэ ауж къызэринэрэр бэп.
Зэнэкъокъум пэрытныгъэр щиIыгъ Республикэу Татарстан икъалэу Альметьевскэ щыпсэурэ пенсионерхэм зэхащэгъэ командэм. Джащ фэдэу тапэ итых Кемеревскэ хэкум ыкIи Алтайскэ краим ястудент командэхэр.
Пшъэрылъэу щытымкIэ мафэ къэс зы нэбгырэм лъэбэкъу мин 25-рэ къыкIун фае, ар километрэ 18-м ехъу. Зэнэкъокъур аухынкIэ мэфитIу къэнагъ, арышъ, республикэм илIыкIохэм гъэхъэгъэшIу-
хэр ашIынхэу, хагъэунэфыкIырэ чIыпIэм фэбэнэнхэу афэтэIо.