Хабзэ зэрэхъугъэу, Шъачэ спортсмен ыкIи тренер анахь дэгъухэр къыщыхагъэщыгъэх. Муниципальнэ учреждениехэм азыфагу гъэ къэс щырагъэкIокIырэ зэнэкъокъу-къэгъэ­лъэгъонхэм хагъэунэфыкIырэ чIыпIэхэр къа­щыдэзыхыгъэхэм къалэм ипащэ ишIухьафтынхэр аратыгъ.

МэфэкI зэхахьэр Шъачэ и Къэлэ ЗэIукIэ щыкIуагъ, мэрэу Андрей Прошуниным ыцIэкIэ къэзэрэугъоигъэ­хэм къафэгушIуагъ ащ игуадзэу Вадим Снегиревыр.
Премиеу «Спортивнэ Шъачэр» фагъэшъошагъ олимпийскэ резервым испорт еджапIэу N 24-м ипащэу, физическэ культурэмкIэ ыкIи спортымкIэ Пшызэ иза­служеннэ IофышIэу, физическэ культурэмкIэ ыкIи спортымкIэ Урысыем и Отличникэу Хьатх Анзаур, спорт учреждением ипэщэ анахь дэгъоу ар къыха­хыгъ.
ОрганизациехэмкIэ спорт еджапIэу N 24-р ящэнэрэ хъугъэ.