Къэралыгъо IофышIэ цIэ­рыIоу, Адыгэ хэку гъэцэкIэкIо комитетым аужырэ тхьама­тэу иIэгъэ ЛIыхэсэ Мухьдин Шъалихьэ ыкъом ыныбжь илъэс 85-м итэу идунай ыхъожьыгъ.
ЛIыхэсэ Мухьдин 1941-рэ илъэсым бэдзэогъум и 20-м къуаджэу Хьалъэкъуае дэс мэкъумэщышIэ унагъом къы­щыхъугъ.
Колхозэу «Путь Ильича» зыфиIорэм итрактористэу ригъажьи, Адыгэ хэкум игъэ­цэкIэкIо комитет итхьамэтэ IэнатIэ нэсыгъ. Ар пэщэ ча­нэу, иIоф хэшIыкIышхо фыриIэу щытыгъ. Пэщэ Iэна­тIэхэр зэрихьэхэ зэхъум, М.Шъ. ЛIыхасэм анахь пшъэ­рылъ къинхэр зэрэзэшIоп­хыщт шIыкIэхэр сыдигъуи къыгъотыщтыгъ, ыгу зэIухыгъэу, хьалэлэу, цIыфхэм аде­­Iэным фэхьазырэу щытыгъ.
Адыгэ Республикэр зызэхащэ нэуж Мухьдин Шъалихьэ ыкъом Адыгеим ихэ­бзэихъухьэ ыкIи игъэцэкIэкIо хабзэ изэхэщэн чанэу хэлэжьагъ, тиреспубликэ исоциальнэ-экономикэ хэхъоныгъэ иIахьышIу хишIыхьагъ.
ЛIыхэсэ Мухьдин къэралыгъо тыныбэ къыфагъэ­шъошагъ. IэпэIэсэныгъэшхо зиIэ пэщэ чанэу, цIыфышIоу ащ зыкъыгъэлъэгъуагъ, Iоф къыдэзышIэхэрэми, респуб­ликэм исхэми ащ лъытэныгъэшхо фашIыщтыгъ.
Пэщэ чаным, цIыф шIа­гъом идунай зэрихъожьыгъэр АдыгеимкIи, ар зышIэщтыгъэ пстэухэмкIи чIэнэ­гъэшхо хъугъэ.
Иунагъо къинэу къыфы­къо­кIыгъэр дэтэгощы, иIа­хьыл­хэмрэ иблагъэхэмрэ тафэтхьаусыхэ. ЛIыхэсэ Мухь­дин Шъалихьэ ыкъор ренэу шIукIэ тыгу илъыщт.
М. Къ. КъумпIыл, В. И. Нарожный, А. А. КIэращ, И. Ш. МэщбашI, А. Щ. Хьачмамыкъу, Н. М. Гъу­кIэлI, А. А. Дорофеев, Хь. Ю. Хъуадэ, А. Къ. Цэй, А. И. Янэкъу