Нэбгыри 174-рэ хэлэжьагъ
Спорт зекIонымкIэ зэнэкъокъоу «Къалэу Мыекъуапэ икубок» зыфиIорэр мы мафэхэм рагъэкIокIыгъ.
Республикэм икъэлэ шъхьаIэ игурыт еджапIэу N 7-м испортзал щыкIогъэ Iофтхьабзэм нэбгыри 174-мэ зыщаушэтыгъ. Ахэр Мыекъуапэ, Апшеронскэ, Лабинскэ, Мыекъопэ, Джэджэ, Теуцожь, Кощхьэблэ ыкIи Лабинскэ районхэм ялIыкIох.
Илъэси 8 — 10 зыныбжьыхэм якуп анахь щылъэшыгъэх Лабинскэ районым испортсменхэу Ярослав Юрченкэмрэ Мария Пушкаревамрэ. Хъулъфыгъэхэм ыкIи бзылъфыгъэхэм язэнэкъокъу текIоныгъэр къыщыдахыгъ Мыекъопэ зекIо клубэу «ЧАКи» къэзыгъэлъэгъогъэхэ Данил Каракянрэ Анна Бажинамрэ. НэмыкI лъэныкъохэмкIэ пэрытныгъэр аубытыгъ Анна Бажинамрэ Екатерина Ивановамрэ, Дмитрий Пономаревымрэ Максим Соломкинымрэ (зэкIэри Мыекъуапэ щыщых).