Хэбзэнчъэу Iашэр зыгъэфедэрэ нэбгырэ 400-м ехъу Росгвардием къыхигъэщыгъ.

2025-рэ илъэсым Росгвардием и ГъэIорышIапIэу АР-м щы­Iэм лицензие-Iизын IофшIэнымкIэ иподразделение икъулыкъу­шIэ­хэм цIыфхэм Iашэр зэрагъэфедэ­рэм епхыгъэу уплъэкIун 400 фэдиз зэхащагъ. Iашэр ыкIи ащ игъусэ щэ-гынхэр къызэрэрагъэ­кIокIырэм епхыгъэ ­шапхъэхэр гъогогъу 400-м ехъурэ аукъуа­гъэу къулыкъушIэхэм къыхагъэщыгъ.
А уахътэм къыкIоцI дзэм иинспекторхэм хэбзэнчъэу ­агъэ­федагъэу Iашэ 364-рэ къа­Iахыгъ ыкIи къэорэ Iашэр агъэ­федэн ыкIи къырагъэкIокIын фимытхэу тхылъи 107-рэ афызэкIагъэкIожьыгъ.
Ащ нэмыкIэу Росгвардием цIыфхэм макъэ арегъэIу АР-м иминистрэхэм я Кабинет иунашъо къызэрэдыхэ­лъытагъэм тетэу, ыпкIэ хэлъэу шIоигъоныгъэ зиIэхэм хэбзэнчъэу агъэфедэрэ Iашэхэр, щэ-гынхэр, къэорэ пкъыгъохэр атыжьынхэ зэралъэкIыщтымкIэ.
Гупчэм иIофышIэхэм къызэраIуагъэмкIэ, шъолъырым щы­псэурэ цIыфхэм яшIоигъо-­
ны­гъэкIэ Iашэ 470-рэ фэдиз атыжьыгъ.