ЦIыф зэрымыс быбырэ пкъыгъохэр (БПЛА) уашъом щыбыбыхэу плъэ­гъу­хэмэ, пшIэрэр умышIэжьэу гузэ­жъогъоу узекIонэу щытэп. Апэ­рап­шIэу зыбгъэрэхьатын фае.

Джащ лъыпытэу щынэгъончъэу ахэм апэчыжьэ зыпшIын, зызщыуухъумэщт чIыпIэм уекIолIэнышъ, БПЛА-р зэрэплъэгъугъэм епхыгъэ къэбарыр телефонхэу 102-мкIэ е 112-мкIэ (мобильнэ телефонхэм апае) хэбзэухъумакIохэм аIэкIэбгъэхьан фае.
Ащ фэдэ быбырэ пкъыгъохэр къыппэблагъэхэмэ е омакъэхэр зэхэпхы хъумэ, псынкIэу гъэбылъыпIэ чIыпIэ къэбгъотын фае — ахэр чIыунэхэр ыкIи бетоным хэшIыкIыгъэ псэуалъэхэр.
ЧIыпIэр къыхэпхы хъумэ, апч къутагъэхэмрэ пкъы­гъо такъырхэмрэ узэрамыуIэщытм унаIэ тетынэу щыт. Макъэхэм анэмыкIэу, быбырэ пкъыгъохэм нэфынэу къапыкIырэми игъом гу алъыптэмэ, зыбгъэбылъынэу ыкIи ищыкIэгъэ зекIокIэ-шIыкIэхэр къыхэпхынэу уахътэ нахь уиIэщт.
ЦIыф зэрымыс быбырэ пкъыгъохэр къефэхыгъэхэмэ, ахэм уякIуалIэ хъущтэп, къахэтэкъугъэхэри къэпштэнхэр щынэгъончъэщтэп. А чIыпIэм псынкIэу уIукIын, цIыфэу плъэгъухэрэми макъэ ябгъэ-
Iун фае.
Къатыбэу зэтет унэхэм арысхэр джащ лъыпытэу чIыунэхэм якIунхэ фае. А уахътэм лифтхэр бгъэ­федэхэ хъущтэп. Ау унэм укъинагъэ хъумэ, шъхьаныгъупчъэхэм уакъыIукIынышъ, дэпкъитIум азыфагу чIыпIэ къыщыхэбгъэщынышъ, джэхашъом утетIысхьанэу щыт. Автомобилым уис хъуми, ар къэбгъэуцунышъ, гъэбылъыпIэ чIыпIэм уекIун фае.
Урысыем щынэгъончъэнымкIэ и Федеральнэ къулыкъу АР-мкIэ и ГъэIорышIапIэ
ипресс-къулыкъу