2026-рэ илъэсым ищы­лэ мазэ къызщихьагъэм щегъэжьагъэу респуб­ликэм игъогухэм ава­риих къатехъухьагъ.

Ахэм апкъ къикIэу нэбгырищым апсэ чIыпIэм щыхэкIыгъ, нэбгырибгъум шъобж хьылъэхэр ате­щагъэ хъугъэ.
Осышхоу къесыгъэм гъогухэм уащызекIоныр нахь къин ­зэришIыгъэм къыхэкIэу, цIыфхэм зэрар яхыгъэ мыхъоу, автомобиль зэутэкIын 95-рэ а лъэхъаным гъогу-патруль къулыкъум ­ыгъэунэфыгъ. Нахьыбэу ахэр зыщыхъугъэхэр Тэхъутэмыкъое районыр (32-рэ) ыкIи къалэу Мые­къуап (31-рэ).
Къэралыгъо автоинспекцием иIофышIэхэм зэфэхьысыжьэу ашIыгъэхэм къызэрагъэлъагъорэмкIэ, авариехэм лъапсэу яIэр зэфэ­шъхьафы: автомобильхэр зэпэблагъэхэу зэрэзекIохэрэр, зэкIакIо­хэрэм шапхъэхэр тэрэзэу зэрамыгъэцакIэхэрэр ыкIи гъогу тамыгъэ­хэр зэрэщагъэзыехэрэр ары.
Илъэсыр къызщихьагъэм ще­гъэжьагъэу гъогурыкIоным ишап­хъэхэр щаукъуагъэу гъогъогъу 1360-рэ агъэунэфыгъ. Ешъуагъэхэу рулым зэрэкIэрытIысхьагъэхэм пае водитель 22-м алъэны­къокIэ тхылъхэр зэхагъэуцуагъэх ыкIи ахэм яIофхэр зэхафыгъэх. ЛъэсрыкIо нэбгырэ 68-мэ пшъэ­дэкIыжь арагъэхьыгъ.
КъыхэкIыгъ ешъуагъэхэу къаубытыгъагъэхэу икIэрыкIэу маши­нэхэр зыгъэIорышIэнэу фежьа­гъэхэм алъэныкъокIэ уголовнэ Iофхэр къызэIуахыгъэхэу. Ахэм ащыщ республикэм икъэлэ шъхьаIэ щыпсэурэ хъулъфыгъэу илъэс 40 зыныбжьэу бэмышIэу къалэу Мые­къуапэ иурам горэм гъогу-патруль къулыкъум иIофышIэхэм къыща­гъэуцугъэр. IэкIыб къэрал къыща­шIыгъэ автомобилым исыгъэр зэ­решъуагъэр къыхэщыщтыгъ.
Полицием иIофышIэхэм медицинэ уплъэкIунхэр ыкIунхэу ащ зыраIом, ыдагъэп. Джащ фэдэу къыхагъэщыгъ хъулъфыгъэм ащ фэдэ зекIуакIэ ыпэкIэ къызэрэхэ­фэгъагъэм пае административнэ пшъэдэкIыжь зэрихьыгъагъэр.
НэмыкI хъугъэ-шIагъэр Кощ­хьэблэ районым щагъэунэфыгъ. Тикъэралыгъо къыщашIыгъэ автомобилыр зыгъэIорышIэщтыгъэ хъулъ­фыгъэу илъэс 55-рэ зыныбжьыр къызагъэуцум, зэрешъуагъэр къыхагъэщыгъ. Ащ ыпэкIэ админист­ративнэ пшъэдэкIыгъ рагъэхьы­гъагъ, транспортыр ыгъэIорышIэным ифитыныгъэ хьыкумым Iихыгъагъ.
Урысые Федерацием и Уголовнэ кодекс ия 264.1-рэ статья иа 1-рэ Iахь къызэрэдилъытэу, джы уголовнэ Iофхэр нэбгыриIум алъэ­ныкъокIэ къызэIуахыгъэх, яавтомобильхэр гъэуцупIэ гъэнэфагъэм ащагъэх.
АР-м и Хэгъэгу кIоцI IофхэмкIэ и Министерствэ ипресс-къулыкъу