Адыгэ Республикэм и Оперативнэ штаб иунашъо къызэрэдилъытэу, телевидением, радиом, гъэзетхэм ыкIи Интернетым, ащ социальнэ хъытыухэри хэтхэу, янэкIубгъохэм яамалхэр къызфэбгъэфедэзэ къыкIэ­лъыкIощт къэбархэр къарыбгъахьэ хъущтэп:
— дзэм, ащ епхыгъэ техникэм, дзэ къулыкъушIэхэр зыщызекIохэрэм, зэпхыкIэ зэфэшъхьафхэм, гъэстыныпхъэ ыкIи энергетикэм язэхэт комплексхэм, про­мышеннэ лъэныкъом, лъэмыджхэр зыдэщыIэхэм афэгъэхьыгъэ къэбархэу, сурэт ыкIи видео техыгъэ­хэу чIыпIэу ахэр зыдэщыIэхэр къэзыгъэлъагъохэрэр;
— Адыгэ Республикэм ичIыпIэхэу, дзэ е нэмыкI псэолъэ зэфэшъхьафхэу къэорэ пкъыгъохэр къызтефагъэхэу, ошъогур къызэраухъумэрэр, цIыф зэрымыс быбырэ пкъыгъохэр (БПЛА) ыкIи нэмыкI Iэмэ-псымэхэр зыфэдэхэр, зыдэщыIэхэр, зыщатIупщыгъэхэр, ахэр лъэныкъоу зыдэгъэзагъэхэр е зытефагъэхэр къизыIоты­кIырэ къэбархэр, ахэм сурэт техыгъэхэри ягъусэжьхэу.
Мы Iофыгъохэр шъолъырым иобщественнэ щынэчъон­чъагъэ ыкIи рэхьатныгъэу илъым якъэухъумэн фэгъэ­хьыгъэх.
Адыгэ Республикэм хабзэу илъым ишапхъэхэмкIэ, Оперативнэ штабым иунашъо зымыгъэцакIэхэрэм пшъэдэкIыжь арагъэхьыщт: цIыф къызэрыкIохэм — сомэ минитфым нэсэу административнэ тазыр атыралъхьащт, IэнатIэм Iутхэм — сомэ мин 15, хъызмэтшIапIэхэр сомэ минишъэм нэсэу агъэпщынэщтых.

ЩынэгъончъэнымкIэ федеральнэ къулыкъум АР-мкIэ и ГъэIорышIапIэ ипресс-къулыкъу