«Крещенскэ гъэпскIынкIэ» заджэхэрэр гумэкIыгъо хъугъэ-шIагъэхэр хэмытхэу Адыгеим щыкIуагъ. Ахэм ящынэгъончъэн лъыплъагъэх полицием иIофышIэхэр, медикхэр, ошIэ-дэмышIэ IофхэмкIэ къулыкъум щылажьэхэрэр, мэшIогъэкIуасэхэр, къэгъэнэжьакIохэр.

Iофтхьабзэхэр аухыфэхэ официальнэу зэтырагъэпсыхьэгъэ чIыпIэхэм дежурствэр ащахьыгъ: афэсакъыгъэх, къагъэгъунагъэх. Адыгэ Республикэм ащ фэдэ чIыпIэу блы иIагъэр: къутырэу Гавердовскэм «Живоносный Источник» зыфиIоу дэтыр, псэупIэу Дондуковскэм ичылысэу Свято-Ильинскэр, псэупIэхэу Джаджэмрэ Келермесскэмрэ адэт Константино-Еленовскэ чылысым дэжь щыт псынэкIэ­чъыр, псэупIэу Победэм дэт Свято-Михайло-Афонскэ Закубанскэ пустынькIэ заджэхэрэр, поселкэу Краснооктябрьскэм дэт Александро-Невскэ чылысыр.