ГандболымкIэ Урысыем и Суперлигэ хэт «АГУ-Адыифым» я 17-рэ турым къыдыхэлъытэгъэ ешIэгъоу иIагъэм текIоныгъэр къыщыдихын ылъэкIыгъэп. Мыекъуапэ ихьэкIагъ зэлъашIэрэ командэу «ЦСКА-р».

«АГУ-Адыиф» — «ЦСКА» — 24:37.
«АГУ-Адыифым» хэтыгъэх: къэлэпчъэIутхэр — Гобадзе, Черновар, Черницовар. Коваленкэр – 7, Миловар — 6, Салахо­вар — 3, Смирновар — 3, Коблыр — 2, Кожубековар – 1, Краснокутскаяр — 1, Хавронинар — 1.
«ЦСКА-м» щешIагъэх: къэлэпчъэIутхэр — Маркинар, Верещак. Семинар — 6, Илларионовар — 5, Никитинар — 4, Сабировар — 4, Шинкарук — 3, Чигириновар — 3, Васильевар — 3, Козаченкэр — 2, Санталовар — 2, Гаряевар — 2, Баевар — 1, Крупенниковар — 1, Левчинар — 1.
Турнир таблицэм ябгъонэрэ ыкIи ятIонэрэ чIыпIэхэр щызы-­Iыгъ командэхэр Мыекъуапэ щызэIукIагъэх. Москва илIыкIохэр хэпшIыкIэу нахь зэрэлъэшхэр мы спорт лъэпкъыр зыгу рихьыхэрэм дэгъоу къагурыIощтыгъ. «ЦСКА-м» щешIэхэрэм ащыщэу нэбгыритфыр спортымкIэ дунэе класс зиIэ мастерых. Арэущтэу щыт нахь мышIэми, «АГУ-Адыифыр» дэеу джэгугъэп. Апэрэ такъикъ 15-м ыуж зы Iэгуау ныIэп хьакIэхэр тапэ зэритыгъэхэр. Ау нэужым ахэм яешIакIэ рагъэхъугъ, Iэгоуи 7-кIэ ыпэ ишъыгъэх. ЯтIонэрэ таймым Москва игандболисткэхэм пчъагъэм нахь хагъэхъуагъ. Ти­пшъашъэхэм нахь къахэщыгъэх Виктория Коваленкэмрэ Дарья Миловамрэ. Мы нэбгыритIум къэлапчъэм Iэгоо 13 дадзагъ.

Турым изэфэхьысыжьхэм закъы­фэбгъазэмэ, Ижевскэ икомандэу «Университетым» зэнэкъо­къум апэрэ текIоныгъэ къыщыдихыгъ. «Динамо-Синарэм», «Астраханочкэм», «Звездам» ыкIи «Рос­тов-Доным» яешIэгъухэр къахьыгъэх.
Я 17-рэ турым изэфэхьысыжьхэр:
«Университет» — «Уфа-Алиса» — 33:22, «Динамо-Синара» — «Кубань» — 32:28, «АГУ-Адыиф» — «ЦСКА» — 24:37, «Астраханочка» — «Черноморочка» — 30:26, «Лада» — «Ростов-Дон» — 19:23, «Луч» — «Звезда» — 29:35.
Турнир таблицэм пэрытныгъэр щиIыгъ «Ростов-Доным», «ЦСКА-м ятIонэрэ чIыпIэр еубыты, «Астраханочкэр» ящэнэр. «АГУ-Адыифыр» я 9-рэ чIыпIэм къэнагъ. КъыкIэлъыкIощт ешIэгъур тикомандэ Уфа щыриIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 34.
2. «ЦСКА» — 32.
3. «Астраханочка» — 23.
4. «Лада» — 23.
5. «Черноморочка» — 23.
6. «Звезда» — 18.
7. «Динамо-Синара» — 16.
8. «Кубань» — 13.
9. «АГУ-Адыиф» — 9.
10. «Луч» — 8.
11. «Университет» — 3.
12. «Уфа-Алиса» — 2.