Теннис цIыкIумкIэ Къыблэ федеральнэ шъолъырым ичемпионат Мыекъуапэ щызэхащагъ. Мыщ хъулъфыгъэхэри бзылъфыгъэхэри хэлажьэх.

Мы мафэхэм командэхэр зэнэкъокъугъэх ыкIи хагъэунэфыкIырэ чIыпIэхэр къыдэзыхыгъэхэр къэнэфагъэх. ЗэкIэми анахь лъэшыгъ Краснодар краир. Мыщ илIыкIохэр 8:0-у Ростов хэкум текIуагъэх, нэужым Республикэу Къырым финалыр къышIуахьыгъ. Ящэнэрэ чIыпIэр зэдагощыгъ Ростов ыкIи Волгоград хэкухэм якомандэхэм. Адыгэ Республикэр я 5-рэ хъугъэ.
Непэ чемпионатыр лъагъэкIотэщт. Пчэдыжьым бзылъфыгъэхэр, ащ ыуж хъулъфыгъэхэр зэнэкъокъущтых.