КъызэратыгъэмкIэ, 2025-рэ илъэсымкIэ Адыгэ Республикэм хэбзэIахь ыкIи мыхэбзэIахь хахъохэмкIэ сомэ миллион 23774,2-рэ ибюджет къихьагъ.

НэмыкIэу къэпIон хъумэ, ыпэкIэ аухэ­сыгъэгъэ бюджетым ипроценти 100,4-рэ фэдиз ар мэхъу. ЦIыфхэм яхахъохэмкIэ хэбзэIахьымрэ тазырхэмрэ яшIуагъэкIэ бюджетым къихьагъэр сомэ миллион 1150,6-кIэ нахьыбэ хъугъэ.
2025-рэ илъэсым къыкIоцI хьыкум приставхэм я Федеральнэ къулыкъу и ГъэIорышIапIэу Адыгэ Республикэм щыIэм икъутамэхэм хэбзэIахьхэмкIэ чIыфэу сомэ миллион 349,3-рэ къягъэтыжьыгъэным фэгъэхьыгъэ Iоф 14829-рэ къаIэтыгъагъ.
2026-рэ илъэсым щылэ мазэм и 1-м ехъулIэу хэбзэIахьхэмкIэ чIыфэхэр къя­гъэтыжьыгъэнхэм фэгъэхьыгъэ Iоф 8964-рэ къэнагъ, ар сомэ миллион 206,1-м телъытагъ.
2025-рэ илъэсым ГъэIорышIапIэм икъулыкъухэр Iоф 15895-мэ ахэплъагъэх, хэбзэIахьхэмкIэ чIыфэу сомэ мил­лион 297,6-рэ къягъэтыжьыгъэным ахэр фэгъэхьыгъагъэх.
А уахътэм къыкIоцI ГъэIорышIапIэм икъулыкъухэм Урысые Федерацием ибюджет сомэ миллиони 175-рэ ра­гъэхьагъ.