АР-м ипрокурорэу Игорь Шевченкэм пшъэрылъ къышIыгъэу, зыныбжь имыкъугъэ пшъэшъэжъыем зэрезэуагъэхэм епхыгъэ Iофым изэхэфын къалэу Мыекъуапэ ипрокуратурэ ригъэжьагъ.
Къэлэ прокурорэу Максим Яковенкэм къызэриIуагъэмкIэ, щылэ мазэм и 15-м, пчыхьэм, кIэлэеджэкIо пшъэшъэжъыеу егъэджэн тедзэхэм ауж иунэ кIожьыщтыгъэм зыныбжь имыкъугъэхэр тебанэхи езэуагъэхэу пэшIорыгъэшъэу агъэунэфыгъ.
Мы Iофыр полицием зэхефы, уплъэкIунхэр зэрэлъыкIуатэхэрэм прокуратурэр лъыплъэщт. Джащ фэдэу зыныбжь имыкъугъэхэр зыпари алъымыплъэу урамым темытынхэм ыкIи бзэджэшIагъэ зэрамыхьаным зынаIэ тетын фэе къулыкъухэм япшъэрылъхэр зэрагъэца­кIэхэрэм уасэ фашIыщт.