Мыекъуапэ физическэ куль­турэмкIэ ыкIи спортымкIэ и Коми­тет кIэщакIо зыфэхъугъэ я
8-рэ жэ биатлоныр республи­кэм икъэлэ шъхьаIэ щыкIуагъ.

2022-рэ илъэсым къыщегъэжьагъэу мы Iофтхьабзэр зэхащэ. Мызыгъэгум тишъолъыр имызакъоу, Краснодар илIыкIохэри спорт мэфэкIым хэлэжьагъэх, зэкIэмкIи командэ 60-мэ заушэтыгъ.
Мы мафэм ос зэрэщыIагъэм Iофтхьабзэр нахь гъэшIэгъон къышIыгъ. Хабзэ зэрэхъугъэу, бзылъфыгъэ, хъулъфыгъэ ыкIи кIэлэцIыкIу командэхэр зэнэкъокъугъэх. Мыщ хэлажьэмэ зышIоигъохэм япчъагъэ зэрэбагъэм къеушыхьыты жэ биатлоным цIыфхэр зэрэфэщагъэхэр.
Зэнэкъокъум къызэригъэнафэу зызыушэтырэ командэхэм метрэ 200 къачъын фэягъ. Ахэр къэуцухэзэ, апэ щытхэу, нэужым жэм исхэу гъогогъу тфырытфэ ос IашкIэкIэ
щэ­рыонхэ фэягъ. Япшъэрылъ загъэцакIэкIэ ягъогууанэ падзэжьыщтыгъ, зыблэоххэкIэ — тазыр атыралъхьэщтыгъ. Охътэ

анахь дэгъу къэзгъэлъэгъуагъэхэм текIоныгъэр афа­гъэшъошагъ. Командэхэу «Хакеры», «Красный снеговик», «Инфинити надо», «Метеоры» зыфиIохэрэр жэ биатлоным дэгъоу щашIэх. Ау мызыгъэгум апэрэ чIыпIэр къыдэзыхыгъэр командэу «Стрелар» ары, ащ хэтыгъэх Федорковхэу Иринэрэ Игнатрэ. КIэлэцIыкIухэм язэнэкъокъу щытекIуагъ «Я 79-рэ колледжыр». Хъулъфыгъэ командэ­хэмкIэ пэрытныгъэр ыубытыгъ псэупIэу Хан­скэр къэзыгъэлъэгъогъэ командэу «Метеорым», ащ хэхьагъэх Александр Столя­ровымрэ София Рычковамрэ.
ТекIоныгъэр къыдэзыхыгъэхэм щытхъу тхылъхэр ыкIи медальхэр афагъэшъоша-
гъэх. Iофтхьабзэр гъэшIэгъонэу, узIэпищэу кIуагъэ, анахь шъхьаIэр цIыфхэм япсауны-
гъэ агъэпытагъ, зэрэгъэчэфыгъэх.