Студентхэм я Урысые олим­пиадэу «Я — про­фес­сионал» зыфиIорэм ия IX-рэ чэзыу хэлэ­жьэщ­т­хэм якъыхэхын уцу­гъо зэфэхьысыжьэу фэхъугъэхэмкIэ, Адыгеим истудент 28-мрэ шIэныгъэ дэгъу къагъэлъэгъуагъ ыкIи пхырыкIыгъэх.

ЗэкIэмкIи аужырэ уцугъом нэсыгъэр нэбгырэ 29219-рэ.
Олимпиадэм хэлажьэхэрэм лъэныкъо 70-мкIэ яшIэныгъэхэр ауплъэкIугъэх. Студент пэпчъ ежь нахь къыпэблэгъэ лъэныкъо пчъагъэ къыхихын амал иIагъ.
— Адыгеим щыщ студентхэм ягъэ­хъагъэхэм къаушыхьатыгъ ахэм зэри­фэшъуашэу зыкъызэрагъэхьазырыгъэр. Тихэгъэгу ипсэупIэ пэпчъ сэнаущыгъэ зыхэлъ ныбжьыкIэхэр бэу зэрисхэр
ащ къыгъэлъэгъуагъ. НыбжьыкIэхэр зы­щыпсэухэрэм, зыще­джэхэрэм емы­лъытыгъэу, шIэныгъэу яIэр къагъэлъэгъон амал яIэныр ары тэркIэ анахь мэхьанэ зиIэр. Мы олимпиадэм ишIуагъэкIэ Адыгеим ит апшъэ­рэ еджэпIитIумэ ястудентхэм яшIэныгъэхэр къагъэлъэгъуагъ, хэхъоныгъэхэр ашIынхэм-
кIэ ар амалышIоу щыт. НыбжьыкIэхэм гъэхъагъэхэр ашIынхэу тафэлъаIо, — къыIуагъ «Урысыер — амалышIухэр зыIэкIэлъ къэралыгъу» зыфиIорэ ­Пре­зидент платформэм игенеральнэ пащэу, Мастерской гъэIорышIапIэу «Сенеж» иректорэу Андрей Бетиным.
Олимпиадэм иаужырэ уцугъо мы илъэсым мэзаем аублэщт. Диплом къэ­зылэжьыгъэхэм магист-
ратурэм, аспирантурэм ыкIи ординатурэм ачIэхьанхэмкIэ фэгъокIотэнхэр яIэщтых, медаль къэзыхьыхэрэм ахъщэ IэпыIэгъоу сомэ мин 300 ара­тыщт.
— АКъУ-м истудент 19-рэ МКъТУ-м истуденти 9-рэ аужырэ уцугъом нэсыгъэх. Шъолъырым истудентхэм нахь къыхахыгъэ лъэныкъохэм ащыщых кIэлэегъэджэныр, фармациер ыкIи юрис­пруденциер, — къыIуагъ студентхэм я Урысые олимпиадэ ипащэу Валерия Касамара.
Олимпиадэр Президент платформэу «Урысыер — амалышIухэр зыIэкIэлъ къэралыгъу» зыфиIорэм хэхьэ. Лъэпкъ проектэу «НыбжьыкIэхэр ыкIи кIэлэ­цIыкIухэр зыцIэм ар къыдыхэлъытагъ. Урысыем апшъэрэ гъэсэныгъэмкIэ ыкIи шIэныгъэмкIэ и Министерствэ иIэпыIэгъоу зэхащэ.