Урым-рим бэнэнымкIэ Къыблэ федеральнэ шъолъырым ипервенствэу къалэу Ростов-на-Дону щыкIуагъэм Тэхъутэмыкъое районым испортсменхэм Адыгеир зэрифэшъуашэу къыщагъэлъэгъуагъ. Мыщ зыныбжь илъэс 18-м шIомыкIыгъэ кIалэхэр хэлэжьагъэх.

Мы илъэсымкIэ апэрэ зэнэкъо­къум хэлэжьагъэхэр хагъэунэфыкIырэ чIыпIэхэм зэрафэбэнагъэ­хэм дакIоу, первенствэм иаужырэ едзыгъоу къалэу Суздаль щыкIощтым зыщаушэтыным ифитыныгъэ къыдахыным пылъы­гъэх.
Олимпийскэ резервым иящэнэрэ спорт еджапIэ зыщызыгъэсэрэ тибэнакIохэм медали 6 къахьыгъ. ТекIоныгъэр къафагъэ­шъошагъ Къыкъ Назаррэ Къэ­р­дэнэ Аслъанрэ, тыжьын медальхэр къахьыгъэх Даниял Алиевымрэ Наш Айдэмыррэ, ящэнэрэ хъугъэх Хьатит Амиррэ Тимур Слатининымрэ.