Командэ 317-рэ хэлажьэ
Лъэс зекIонымкIэ зэIухыгъэ муниципальнэ зэнэкъокъухэм ахэлажьэ командэу «Мыекъуапэ 01-р». ЗэкIэмкIи мыщ командэ 317-мэ зыщаушэты.
Лъэс зекIонымкIэ кIымэфэ зэнэкъокъухэм псауныгъэм игъэпытэнкIэ шIогъэшхо къаты — жьы къабзэм хэтэу зекIохэрэм яиммунитет нахь пытэ мэхъу.
Командэу «Мыекъуапэ 01-м» нэбгырэ 20 хэт. Ахэр зэкIэ республикэм икъэлэ шъхьаIэ щэпсэух. Iофтхьабзэр щылэ мазэм и 16-м къыщегъэжьагъэу и 30-м нэс кIощт. Очко анахьыбэ изыгъэкъугъэ командэм текIоныгъэр фагъэшъошэщт.