Следственнэ комитетым иIофышIэхэу ыкIи иветеранхэу лъытэныгъэ зыфэтшIыхэрэр!

Урысые Федерацием и Следственнэ комитет зызэхащагъэр илъэс 15 зэрэхъурэм фэшI тышъуфэгушIо!
А илъэсхэм къакIоцI хэгъэгум ихэбзэухъу­мэкIо къулыкъухэм пытэу ар ахэуцуагъ, бзэ­джэшIэгъэ хьылъэхэм язэхэфын фэгъэзэгъэ къулыкъухэм ащыщ хъугъэ.
Следственнэ комитетым иIофышIэхэр мафэ къэс бзэджэшIагъэхэм якъыхэгъэщын ыкIи ахэр зезыхьагъэхэм уголовнэ пшъэдэкIыжь ягъэхьыгъэным япхыгъэ Iофхэм ауж итых.
Следовательхэм шIэныгъэ куу, сэнэхьат ­къулайныгъэ яIэн, шъыпкъэр агъэунэфын, цIыф­хэм яфитыныгъэхэр укъуагъэ мыхъунхэм анаIэ тырагъэтын фае. А пстэуми адакIоу яшIэны­гъэхэм ахагъэхъон, технологиякIэхэр аIэ къырагъэхьан, цIыфыгъэ, зэфагъэ ахэлъын, хэ­бзэгъэуцугъэу щыIэр укъуагъэ зэрэмыхъущтым ренэу лъыплъэнхэ фае.
Урысые Федерацием и Следственнэ комитет иследственнэ гъэIорышIапIэу Адыгэ Рес­публикэм щыIэм ипащэхэм, зэкIэ Iоф щызы­шIэхэрэм тызэрэшъуфэразэр тыгу къыддеIэу тызэрэшъуфэразэр къыхэтэгъэщы. Республикэм хэбзэгъэуцугъэр къыщыухъумэгъэнымкIэ, цIыфхэм ярэхьатныгъэ мыукъогъэнымкIэ бэ шъо шъупшъэ дэкIырэр.
Урысыем и Следственнэ комитет ылъэ пытэу теуцонымкIэ следственнэ къулыкъухэм бэ зэшIуахыгъэр. IэпэIэсэныгъэмкIэ, пшъэдэкIыжьынымкIэ, шъуикъулыкъу шъузэрэфэшъыпкъэмкIэ ренэу щысэшIоу шъущыт.
ЗэкIэми тышъуфэлъаIо псауныгъэ пытэ, щыIэкIэшIу шъуиIэнэу, къулыкъу мыпсынкIэм гъэхъагъэхэр щышъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием»
и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо
Совет — Хасэм и Тхьаматэу
Владимир Нарожнэр