Спорт ориентированиемкIэ къэралыгъо зэнэ­къо­къоу «Легенды Крыма-2026» зыфиIорэр къа­лэу Алуштэ щыкIуагъ.

Урысыем ихэшыпыкIыгъэ ­командэ иегъэджэн-зыгъэхьа­зырын угъоинхэм афэгъэхьыгъэ Iофтхьабзэм спортсмен 400 фэдиз къекIолIагъ.
Зэнэкъокъум хэлэжьагъэхэм лъэныкъуи 5-кIэ заушэтыгъ. ­Адыгэ Республикэр къэзыгъэ­лъэгъуагъэр Мыекъопэ районым илIыкIоу, республикэ спорт еджапIэу N 3-м зыщызыгъэсэрэ Семен Агеевыр ары.

АР-м физическэ культурэмкIэ ыкIи спортымкIэ и Комитет къызэритыгъэмкIэ, зэнэкъо­къум иятIонэрэ мафэ Семен дэгъу дэдэу зыкъигъэлъэгъуагъ, лъэныкъоу «кросс-выбор» зыфи­IорэмкIэ тыжьын медаль къы­хьыгъ. Урысыем ишъолъыр 19-мэ къарыкIыгъэ спортсмен 60 зэнэкъокъугъ, ахэм республикэм испортсмен къахэщыгъ, хагъэунэфыкIырэ чIы­пIэ къыдихын ылъэкIыгъ.