Я 8-рэ жэ биатлоныр республикэм икъэлэ шъхьаIэ щырагъэкIокIыщт.

Тишъолъыр осышхо къызэрэщесыгъэм къыхэкIэу мыр зэхэщэгъэныр игъо дэд.
Хабзэ зэрэхъугъэу, зипсау­ныгъэ зыгъэпытэ зышIоигъохэр къэлэ паркым дэт шахмат клубым дэжь щызэрэугъоищтых, нэужым зэнэкъокъущтых. Щылэ мазэм и 17-м пчэдыжьым Iофтхьабзэр аублэщт.
Шапхъэхэм къызэрагъэнафэу, командэм хэт зы нэбгырэм жэр ещэ, адрэр ос IашкIэкIэ мэщэрыо. Гъогууанэм икIыхьагъэ мет­рэ 200 фэдиз мэхъу.

ЗэрагъэнэфагъэмкIэ, кIэлэ­цIыкIу (зыныбжь илъэс 18-м емыхъугъэхэр), хъулъфыгъэ ыкIи бзылъфыгъэ командэхэр зэнэ­къокъущтых. Анахь псынкIэу гъо­гууанэр къызэзынэкIыхэрэм те­кIоныгъэр афагъэшъошэщт.
ЗэхэщакIохэм программэ гъэшIэгъон агъэхьазырыгъ. Жэм ис­хэу къызэрэзэдэчъэщтхэм да­кIоу, щай стырыр, гум къинэжьыщт Iофтхьэбзэ зэфэ­шъхьафхэр, шIухьафтынхэр зэнэкъокъум хэлэжьэщтхэм къя­жэх. Арышъ, шъуигупсэхэр, шъуиныбджэгъухэр гъусэ шъу­шIыхи, къэлэ гупчэ паркым шъу­къекIуалI, спорт мэфэкIым шъу­хэлажь.