Гъэстыныпхъэ шхъуантIэр зэраIэкIагъахьэрэмрэ газификациемрэ афэгъэхьыгъэ хэбзэгъэуцугъэр зэрагъэцакIэрэр Мыекъуапэ ипрокуратурэрэ Ростехнадзорым испециалистхэмрэ зауплъэкIум, федеральнэ хэбзэгъэуцугъэр аукъуагъэу къыхагъэщыгъ.

УплъэкIунхэм нафэ къызэрашIыгъэмкIэ, гъэстыныпхъэ шхъуан­тIэр атезыгощэрэ организацием газ псэуалъэхэм ягъэфедэн­кIэ хэбзэгъэуцугъэр ыукъуагъ, техническэ (проект) документацием игъэ­хьазырынкIэ шапхъэхэми арымыгъозагъэу къыхагъэщыгъ.
Мыекъуапэ ипрокуратурэ зэхищэгъэгъэ уплъэкIуным икIэуххэм атетэу газыр атезыгощэрэ организацием тхылъ гъэнэфагъэ IэкIагъэхьагъ, IэнатIэ зыIыгъэу мы Iофым фэгъэзагъэм дисциплинарнэ пшъэдэкIыжь рагъэхьыгъ, хэбзэукъоныгъэу къыхагъэщыгъэхэр дагъэзыжьыгъэх.
Къалэу Мыекъуапэ ипрокуратурэ иунашъокIэ Ростехнадзорым Урысые Федерацием административнэ хэбзэукъоныгъэхэмкIэ и Уголовнэ кодекс ия 9.1-рэ статья иа 1-рэ Iахь диштэу IэнатIэ зыIыгъым сомэ 20000 тазырэу тырилъхьагъ.