Урысыем къэралыгъо уплъэкIунымкIэ и ГъэIорышIапIэу Адыгэ Республикэм щыIэм икъутамэ иинспектор шъхьаIэ къуалъхьэ къызэраIихыгъэмкIэ агъэмысэ.

Мыекъуапэ ихьыкум участкэу N 2-м изэгъэшIужь хьыкумышI къызэджэгъэ унашъор зыфэгъэхьыгъэр лицензиехэр ятыгъэнхэмкIэ Гупчэу Росгвардием щызэхэщагъэм иинспектор шъхьаIэ Урысыем и Уголовнэ кодекс ия 290-рэ статья иа 1-рэ Iахь къыдилъытэрэ бзэджэшIагъэр зэрэзэрихьагъэр (къуалъхьэ къызэраIихыгъэр) ары.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм иIофышIэхэм зэрагъэунэфыгъэмкIэ, В.Ф. Берешполовым обществэу «Атланта» зыфиIорэм ипащэ игуадзэу Г.С. Голдовым сомэ мин 20 хъурэ къуалъхьэ къыIихыгъ Урысые Федерацием ицIыфхэу унэе къэрэгъулэм ипаспорт къызэратынэу фаехэм ядактилоскопическэ картэ хэбзэнчъэу ыIапэ зэрэкIидзэжьыгъэм фэшI.
Уголовнэ Iофыр къызэIузыхыгъэр ыкIи зэхэзыфыгъэр Урысыем и Следственнэ комитет иследственнэ ГъэIорышIапIэу Адыгэ Республикэм щыIэр ары.
Къалэу Мыекъуапэ ихьыкумышI участкэу N 2-м изэгъэшIужь хьыкумышI унашъоу ышIыгъэм тетэу В.Ф. Берешполовым тазырэу сомэ 170000 тыралъхьагъ.
Унашъом хэбзэ кIуачIэ иIэ хъугъэ.
Урысыем щынэгъончъэнымкIэ и Федеральнэ къулыкъу и ГъэIорышIапIэу Адыгэ Республикэм щыIэм ипресс-къулыкъу .