«ЦСКА-м» дешIэщт
ГандболымкIэ Урысыем ичемпионат хэлэжьэрэ «АГУ-Адыифыр» щылэ мазэм и 16-м Мыекъуапэ щешIэщт, командэ пэрытхэм ащыщэу «ЦСКА-р» тихьакIэщт.
Республикэм икомандэ я 9-рэ чIыпIэм щыт, Москва илIыкIохэр ятIонэрэх. Арэущтэу щыт нахь мышIэми, «АГУ-Адыифым» джырэ уахътэм ешIэкIэ дахэ къегъэлъагъо, арышъ, зэрилъэкIэу «ЦСКА-м» пэуцужьын гухэлъ иI.
ЗэIукIэгъур Адыгэ къэралыгъо университетым иордэунэу Кобл Якъубэ ыцIэ зыхьырэм пчыхьэм сыхьатыр 7-м щырагъэжьэщт. Мы спорт лъэпкъыр зыгу рихьыхэрэр ащ еплъын-
хэу зэхэщакIохэм рагъэблагъэх.