Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!

ИлъэсыкIэмкIэ тышъуфэгушIо!
Нэбгырэ пэпчъкIэ мы мэфэкIым мэхьанэшхо иI. ГушIуагъор, шIур ащ къебэкIы, текIоныгъакIэхэм уатырегъэгушхо, неущырэ мафэр зэрэнахьышIущтым игугъапIэ къыуеты.
2025-рэ илъэсэу икIырэм мэхьанэшхо зиIэ хъугъэ-шIэгъэ заулэ хэдгъэунэфыкIыгъ. Ахэм анахь шъхьаIэхэр ТекIоныгъэшхом ия 80-рэ илъэс зэрэдгъэмэфэкIыгъэр, Хэгъэгум иухъу­макIо и Илъэс къыдыхэлъытэгъэ Iофтхьабзэ­хэу Урысыем илIэужхэр зэкIэ зэзыпхыгъэхэр зэрэзетхьа­гъэхэр ары. Адыгэ Республикэр зызэхащагъэр илъэс 35-рэ зэрэхъугъэр илъэ­сэу икIырэм хэд­гъэунэфыкIыгъ. Социальнэ-­экономикэ хэхъоныгъэмкIэ, инфраструктурэр нахьышIу шIыгъэнымкIэ, цIыфхэм ящыIэкIэ-­псэукIэ зыкъегъэIэтыгъэ­нымкIэ илъэсым къыкIоцI Iофышхо зэшIотхыгъ.
Тызэрыгушхорэ гъэхъагъэхэм якъэкIуапIэр Адыгеим ис цIыфхэр ячIыгу гупсэ зэрэфэгумэкIыхэрэр, зыхагъэхъоным, республикэр нахь фэшIыгъэ хъуным ренэу зэрэдэлажьэ­хэрэр ары. ЗэкIэми тIэ зэкIэдзагъэу экономикэмрэ социальнэ лъэныкъомрэ хэхъоныгъэ ядгъэшIыгъ, IофшIэпIэ чIыпIакIэхэр зэхэт­щагъэх, гъогухэр, еджапIэхэр, IэзапIэхэр дгъэпсыгъэх, республикэм ипсэупIэхэр зэтед­гъэпсыхьагъэх, общественнэ транспортым нахьышIоу Iоф ышIэным тынаIэ тедгъэтыгъ, лъэпкъ зэфэшъхьафхэм ятарихъ-культурэ кIэн къэтыухъумагъ, зекIонымкIэ Адыгеим амалэу иIэхэм, мэкъу-мэщым зядгъэушъомбгъугъ, фышъхьэ лэжьыгъэхэм якъэхьыжьынкIэ Урысыем пэрытыныгъэ щызыIыгъхэм ясатыр тыхэуцуагъ.
Республикэм игъэхъагъэ пэпчъ къызыкIа­кIорэр ткIуачIэ Iофхэм зэрятхьылIэрэр ары. Тинахьыжъхэм къытфагъэнэгъэ хэбзэ шIагъохэр къэтыухъумэзэ, тапэкIи къиныгъохэр гъэхъагъэ хэлъэу зэпытчыщтых, хэушъхьафыкIыгъэ дзэ операцием хэлэжьэрэ тилIы­хъужъхэм яунагъохэм тызэгъусэу IэпыIэгъу тафэхъущт.
Хэгъэгум ифедэхэр къэзыгъэгъунэрэ ти­дзэкIолIхэм лъэшэу тызэрафэразэр къэтэIо. Ахэм тарэгушхо, ТекIоныгъэр къыдахыгъэу псынкIэу ядэжь къагъэзэжьынэу тяжэ!
Адыгей гупсэмрэ тихэгъэгушхорэ яхэхъоныгъэ зыгуи, зыпси хэзылъхьэгъэ пстэуми «тхьашъуегъэпсэу» ятэIо. 2026-м, Урысые Федерацием и Президентэу Владимир Путиным Урысыем илъэпкъхэм языкIыныгъэ и Илъэсэу ыгъэнэфагъэм, тызэгъусэу, тызэкъотэу тапэкIэ тылъыкIотэщт, гъэхъэ­гъакIэхэм тафэкIощт.
ТичIыпIэгъу лъапIэхэр, псауныгъэ пытэ, насып, щыIэкIэ-псэукIэ дэгъу шъуиIэнэу, гъэпсын Iофым гъэхъэгъакIэхэр щышъушIынэу, гушIуагъом шъущымыкIэнэу, шъуигухэлъхэр, шIоу щыIэр зэкIэ къыжъудэхъунэу шъуфэтэIо!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр