Щылэ мазэм и 7-р —Иисус Христос къызыхъугъэ маф
Адыгэ Республикэм щыпсэурэ чыристанхэу лъытэныгъэ зыфэтшIыхэрэр!
Иисус Христос къызыхъугъэ мафэмкIэ тышъуфэгушIо!
Илъэс къэс чыристанхэм хагъэунэфыкIырэ мы мэфэкI нэфыр гукIэ зызэраукъэбзырэм, гугъэпIакIэхэр яIэ зэрэхъурэм, шIумрэ дэхагъэмрэ зызэрафакъудыирэм ятамыгъэу щыт.
Мы мэфэкI лъапIэм цIыфхэм агу чэфыгъорэ фэбагъэрэ къырелъхьэ, янеущырэ мафэ нахьышIу зэрэхъущтым игугъапIи къареты. Хабзэ зэрэхъугъэу, мыщ фэдэ мафэхэм кIымафэм ихьалэмэтыгъэ зыхэгъэщэгъэ дин хэбзэ гъэнэфагъэхэр зэрахьэх.
Мыекъуапэрэ Адыгеимрэ яархиепископэу Тихони, республикэм ис чыристан пстэуми культурнэ-просветительскэ Iофышхо зэрагъэцакIэрэм, я Хэгъэгу фэшъыпкъэхэу ныбжьыкIэхэр зэрапIухэрэм, дин, лъэпкъ зэфыщытыкIэхэм ягъэпытэн яIахьышIу зэрэхашIыхьэрэм афэшI тызэрафэразэр къэтэIо. ХэушъхьафыкIыгъэ дзэ операцием хэлажьэхэрэми, ахэм ягупсэхэми шъхьафэу «тхьашъуегъэпсэу» ятэIо.
ТичIыпIэгъу лъапIэхэр, мы мэфэкI нэфым тышъуфэлъаIо псауныгъэ пытэ шъуиIэнэу, мамырэу шъупсэунэу, шIоу щыIэр къыжъудэхъунэу, зэгурыIоныгъэ шъуазыфагу илъынэу! Мы мэфэкI мафэр хъугъэ-шIэгъэ гушIуагъохэмкIэ, зэIукIэгъу фабэхэмкIэ орэбай!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр