Прокуратурэм иIофышIэхэу ыкIи иветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым — Уры­сые Федерацием ипрокуратурэ иIофышIэ и Мафэ фэшI тышъуфэгушIо!
Урысыем иправовой системэ прокуратурэм ренэу чIыпIэшхо щеубыты, Конституциер амыукъонымкIи ащ мэхьанэшхо иI. Обществэм ищыIэныгъэ илъэныкъуабэмэ ар алъэIэсы, цIыфхэм яфедэхэр къэухъу­мэгъэнхэмкIэ, конституционнэ гъэпсыкIэр мыукъогъэнымкIэ, хэгъэгум зыпкъитыныгъэ илъынымкIэ бэ зэшIуихырэр.
Прокуратурэм иIофышIэхэм шIэныгъэу яIэм, япшъэдэкIыжь зэрэзэхашIыкIырэм яшIуагъэкIэ обществэм хэбзэгъэуцугъэу щыIэхэр гъэцэкIагъэ щэхъух, къэралыгъом иправовой системи къытефэрэр зэкIэ икъоу пхырыщыгъэ мэхъу.
Республикэм икъэралыгъо хабзэ икъулыкъухэмрэ чIыпIэ зыгъэIорышIэжьыным икъулыкъухэмрэ гъусэныгъэ пытэ дыряI прокуратурэм. Ащ ишIуагъэкIэ социальнэ-­экономикэ пшъэрылъхэр зэшIохыгъэ мэхъух, обществэм зыпкъитыныгъэр щэпытэ, цIыфхэм ящыIакIи нахьышIу мэхъу.
Адыгэ Республикэм ипрокуратурэ иIофышIэхэм ыкIи иветеранхэм яшIэныгъэрэ яIэпэIэсэныгъэрэ апае тызэрафэразэр къэтэIо. Республикэм хэхъоныгъэу ышIырэм ахэм яфэмэ-бжьымэшхо тырехьэ.
ЗэкIэми тышъуфэлъаIо псауныгъэ пытэ, щыIэкIэшIу шъуиIэнэу, хэгъэгум ифедэ зы­хэлъ Iофэу жъугъэцакIэрэм гъэхъагъэхэр щышъушIынхэу!
Адыгэ Ресубликэм и ЛIышъхьэу, Урысые политическэ партиеу
«Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр