Адыгэ Республикэм и Къэралыгъо Совет — Хасэм ия 53-рэ зэхэсыгъо 2025-рэ илъэсым тыгъэгъазэм и 29-м щыIэщт.

Зэхэсыгъом зыщахэплъэщтхэм мыщ къыкIэлъыкIорэ Iофыгъохэр ахагъэхьагъэх: Адыгэ Респуб­ликэм и Законхэу «2025-рэ илъэсымкIэ ыкIи 2026-рэ, 2027-рэ илъэсхэм ячэзыу пIалъэкIэ Адыгэ Республикэм иреспубликэ бюджет ехьылIагъ», «2025-рэ илъэсымкIэ ыкIи 2026-рэ, 2027-рэ илъэсхэм ячэзыу пIалъэкIэ Адыгэ Республикэм шIокI зимыIэ медицинэ страхованиемкIэ и ЧIыпIэ фонд ибюджет ехьылIагъ», «Патент шIыкIэм тетэу хэбзэIахьхэр зэратыралъхьэрэм ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэхэр; «Фэтэрыбэу зэхэт унэмэ ячIыпIэхэу зэдагъэфедэхэрэр игъом гъэцэкIэжьыгъэнхэмкIэ Iофыгъо заулэмэ яхьылIагъ» зыфиIохэрэр ыкIи нэмыкI Iофыгъохэр.
Адыгэ Республикэм и Къэралыгъо Совет — Хасэм изэхэсыгъо Адыгэ Республикэм и ЛIышъхьэ и Координационнэ гупчэ (Жуковскэм иур., 22) пчэдыжьым сыхьатыр 10-м щырагъэжьэщт.
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр