Къалэу Мыекъуапэ щыпсэурэ хъулъфыгъэу илъэс 62-рэ зыныбжь Эрнест Дубинскэм фэгъэхьыгъэ уголовнэ Iофыр къыIэтыгъ Адыгэ Республикэм и Мыекъопэ къэлэ хьыкум.

Урысыем и Уголовнэ кодекс ия 282.3-рэ статья ия 1-рэ Iахь къыдилъытэрэ бзэджэшIагъэ (экстремистхэм мылъкукIэ адеIагъ) ащ зэрихьагъэу ылъытагъ.
ЗэрагъэунэфыгъэмкIэ, Э.П. Дубинскэм экстремист организацием дыригъаштэщтыгъ, ахъщэр экстремистхэм ясчет ригъахьэщтыгъ.
Урысыем и Следственнэ комитет иследственнэ гъэIорышIапIэу Адыгэ Республикэм щыIэм уголовнэ Iофыр къызэIуихыгъ, ащкIэ лъапсэ хъугъэр Урысыем ищынэгъончъэнымкIэ и Федеральнэ къулыкъу АР-мкIэ къыIэкIэкIыгъэ материалхэр ары.
Адыгэ Республикэм и Мыекъопэ къэлэ хьыкум Э. П. Дубинскэм условнэу илъэсищ хьапс тырилъ­хьагъ.
Унашъом хэбзэ кIуачIэ иIэ хъугъэ.