Адыгеим икоммерческэ организа­цие­хэм ащыщ ипащэ Iашэм щынэ­гъончъэу узэрэдэзекIощтымкIэ егъэджэнхэр акIугъэхэ фэдэу къэзыгъэ­лъэгъорэ тхылъ нэпцIхэр ытыгъэхэу къаубытыгъ.

Тэхъутэмыкъое район хьыкумыр пшъэдэкIыжьэу ыхьырэмкIэ гъунэпкъэ гъэнэфагъэ зиIэ обществэу «Альфа-Плюс» зыфиIорэм ипащэу ШъонтIыжъ Алый иIоф хэплъагъ. Урысыем и Уголовнэ кодекс ия 204-рэ статья ия 7-рэ Iахь ыкIи ия 327-рэ статья иапэрэ Iахь адиштэу тхылъ нэпцIхэр ытыгъэхэу ар агъэ­мысагъ.
ЩынэгъончъэнымкIэ Федеральнэ къулыкъум АР-мкIэ и ГъэIорышIапIэ иIофышIэхэм А.ШъонтIыжъым Iашэм щынэгъончъэу узэрэдэзекIощтым фэгъэхьыгъэ егъэ­джэнхэр акIугъэхэ фэдэу къэзыгъэлъэгъорэ тхылъ нэпцIхэр нэбгыри 6-мэ ацIэкIэ ыгъэхьазырыхи, ащ пае сомэ 30000 къаIихыгъэу къаубытыгъ. Ахэм къау­гъоигъэ материалхэм къапкъырыкIызэ, Урысыем СледствиехэмкIэ и Комитет СледствиехэмкIэ и Гъэ­IорышIапIэу АР-м щыIэм уголовнэ Iоф къызэIуихыгъ.
Тэхъутэмыкъое район хьыкумым А.ШъонтIыжъыр мысэу ылъытагъ ыкIи условнэ шIыкIэм тетэу илъэси 4, илъэси 2-м щэрыоным ыкIи Iашэм узэрэдэзекIощтым алъэныкъокIэ ыгъэсэнхэ, зэнэкъокъухэм ахэлэжьэн е ригъэджэнхэ фимытэу тырилъхьагъ.
Хьыкумым рихъухьагъэм кIуачIэ иIэ хъугъэ.