Хэбзэ кIуачIэиIэ хъугъэ
Мыекъуапэ щыщ хъулъфыгъэм къыфызэIуахыгъэ IофымкIэ хьыкумым унашъоу щаштагъэм къалэу Мыекъуапэ ипрокуратурэ къыдыригъэштагъ.
Урысые Федерацием и Уголовнэ кодекс ия 157-рэ статья иа 1-рэ Iахь зигугъу къышIырэ бзэджэшIагъэ зэрихьагъэкIэ, кIэлэпIупкIэр ащ аримытыгъэкIэ хьыкумым ылъытагъ.
Зыныбжь имыкъугъэ исабый пае хъулъфыгъэм кIэлэпIупкIэ мазэ къэс аритын фаеу хьыкумым ыгъэнэфагъ. Ащ иунашъо зэримыгъэцэкIагъэм пае тым административнэ пшъэдэкIыжь рагъэхьыгъ. Ау ыужкIи кIэлэпIупкIэр зэраримытыщтыгъэм къыхэкIэу ащ чIыфэу телъыр сомэ 30000-м шъхьадэкIыгъ. Урысые Федерацием ихьыкум приставхэм я Федеральнэ къулыкъу Адыгэ РеспубликэмкIэ и ГъэIорышIапIэ и Мыекъопэ къэлэ отдел иподрзделение уголовнэ Iофым хэплъагъ.
ЕгъэзыгъэкIэ мэзиблэ хъулъфыгъэм Iоф ышIэнэу, къылэжьырэм ипроценти 10 къэралыгъом фэкIонэу хьыкумым унашъо ышIыгъ.
Унашъом хэбзэ кIуачIэ иIэ хъугъэ.